ഷാർജ: ഷാർജയിൽ നിന്ന് കൊച്ചിയിലേക്ക്​ പുറപ്പെടേണ്ട എയർ ഇന്ത്യ എക്സ്​പ്രസ്​ വിമാനം വൈകുന്നു. ഇന്ന് ഉച്ചക്ക്​ മൂന്നിന്​ പുറപ്പെടേണ്ട വിമാനമാണ് മണിക്കൂ​റുകളോളം വൈകുന്നത്. അഞ്ച്​ മണിക്കൂർ കഴിഞ്ഞിട്ടും പുറപ്പെടാത്തതിനെ തുടർന്നും കൃത്യമായ മറുപടി പോലും ലഭിക്കാത്തതിനെ തുടർന്നും യാത്രക്കാർ പ്രതിഷേധത്തിലാണ്​.

യാത്ര ചെയ്യുന്നതിനായി യാത്രക്കാർ ഉച്ചക്ക്​ 12 മുതൽ വിമാനത്താവളത്തിൽ എത്തിയിരുന്നു. 154 യാത്രക്കാരാണുള്ളത്​. ഓഫിസിൽ ചോദിക്കുമ്പോൾ ഒരു മണിക്കൂർ കഴിഞ്ഞ്​ പുറപ്പെടുമെന്നാണ്​ നിരന്തരം പറഞ്ഞുകൊണ്ടിരിക്കുന്നത്​. ഐ.എക്സ്​ 412 വിമാനമാണ് വൈകിയത്.

പ്രായമായവരും കുഞ്ഞുങ്ങളും സഹിതം വിമാനത്താവളത്തിൽ മണിക്കൂറുകളായി കാത്തുനിൽക്കുകയാണ്.