ശബരിമല: ശബരിമലയില്‍ വെടിമരുന്നിന് തീപിടിച്ച് മൂന്ന് പേര്‍ക്ക് പരുക്ക്. മാളികപുറത്തിന് സമീപത്ത് വെടിമരുന്ന് നിറയ്ക്കുന്നതിനിടെയാണ് അപകടം ഉണ്ടായത്. കതിന നിറയ്ക്കുന്നതിനിടെ പൊട്ടുകയായിരുന്നെന്ന് ദൃക്‌സാക്ഷികള്‍ പറയുന്നു.

ഇവരെ സമീപത്തെ അശുപത്രിയിലേക്ക് മാറ്റി.ചെങ്ങന്നൂര്‍ സ്വദേശികളായ ജയകുമാര്‍,അമല്‍, രജീഷ് എന്നിവരാണ് അപകടത്തില്‍ പെട്ടത്. ഇവരുടെ പരുക്ക് നില ഗുരുതരമല്ലെന്നാണ് റിപ്പോര്‍ട്ടുകള്‍. അരയ്ക്ക് താഴെയാണ് പരുക്കേറ്റത്.