2021 January 25 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

വി.ഡി സതീശനെതിരായ അന്വേഷണം പരിഗണനയിലെന്ന് മുഖ്യമന്ത്രി

തിരുവനന്തപുരം: പ്രളയത്തില്‍ വീട് നഷ്ടപ്പെട്ടവര്‍ക്ക് വീട് നിര്‍മിച്ചുനല്‍കുന്നതിനായി പുനര്‍ജനി പദ്ധതിപ്രകാരം വിദേശ ഫണ്ട് വാങ്ങിയതിലും വിദേശ യാത്രകള്‍ നടത്തിയ സംഭവത്തിലും വി.ഡി സതീശനെതിരേ അന്വേഷണത്തിന് അനുമതിനല്‍കുന്നത് പരിഗണനയിലെന്ന് മുഖ്യമന്ത്രി നിയമസഭയെ അറിയിച്ചു. ഡി.കെ മുരളി, എം. സ്വരാജ് എന്നിവരുടെ ചോദ്യങ്ങള്‍ക്ക് മറുപടിയായാണ് മുഖ്യമന്ത്രി ഇക്കാര്യം പറഞ്ഞത്. എന്നാല്‍, പുനര്‍ജനി പദ്ധതിപ്രകാരം നിര്‍മിച്ച 25 വീടുകളുടെ താക്കോല്‍ദാനം മുഖ്യമന്ത്രിയാണ് നിര്‍വഹിച്ചതെന്ന് വി.ഡി സതീശന്‍ മറുപടി പറഞ്ഞു. 200 വീടുകള്‍ ഇതിനോടകം നിര്‍മിച്ചിട്ടുണ്ട്. ആരോപണങ്ങളില്‍ കഴമ്പില്ല. സംഭവത്തില്‍ സി.ബി.ഐ അന്വേഷണം വേണമെന്ന അപേക്ഷ ഹൈക്കോടതി സിംഗിള്‍ ബെഞ്ച് തള്ളിയിരുന്നു. പിന്നീട് ഡിവിഷന്‍ ബെഞ്ചിന്റെ മുന്നിലെത്തിയപ്പോള്‍ കേസില്‍ കഴമ്പില്ലെന്ന് സി.ബി.ഐ റിപ്പോര്‍ട്ട് നല്‍കിയിട്ടുണ്ടെന്നും സതീശന്‍ പറഞ്ഞു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.