2022 May 23 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

അന്താരാഷ്ട്ര വിമാനസര്‍വീസ് ജൂലൈ 31 വരെയില്ല: ഡി.ജി.സി.എ

ന്യൂഡല്‍ഹി: ഷെഡ്യൂള്‍ ചെയ്ത അന്താരാഷ്ട്ര യാത്രാ വിമാന സര്‍വീസ് റദ്ദാക്കിയത് ജൂലൈ 31 വരെ നീട്ടി. അതേസമയം, കേസ് ടു കേസ് അടിസ്ഥാനത്തില്‍ തെരഞ്ഞെടുത്ത റൂട്ടുകളില്‍ അനുമതിയോടെയുള്ള സര്‍വീസുകള്‍ നടത്തുമെന്നും ഡി.ജി.സി.എ വാര്‍ത്താക്കുറിപ്പില്‍ അറിയിച്ചു.

കൊവിഡ്- 19 പടരുന്ന സാഹചര്യത്തില്‍ മാര്‍ച്ച് 23നാണ് അന്താരാഷ്ട്ര വിമാന സര്‍വീസ് ഇന്ത്യ റദ്ദാക്കിയത്. നേരത്തെ ജൂലൈ 15 വരെയാണ് ഈ റദ്ദാക്കല്‍ കാലാവധി നീട്ടിയിരുന്നത്. ഇതാണ് ഇപ്പോള്‍ വീണ്ടും നീട്ടിയതായി അറിയിച്ചിരിക്കുന്നത്.

നിലവില്‍ എയര്‍ ഇന്ത്യയും സ്വകാര്യ ആഭ്യന്തര വിമാനങ്ങളും വന്ദേ ഭാരത് ദൗത്യത്തിന്റെ ഭാഗമായുള്ള ഷെഡ്യൂളിതര സര്‍വീസുകള്‍ മാത്രമാണ് നടത്തുന്നത്. മെയ് ആറു മുതലാണ് ഈ സര്‍വീസ് ആരംഭിച്ചത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.