2021 June 20 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സഊദിയിൽ ഇന്റർനാഷണൽ സ്‌കൂളുകൾ അടക്കം വിദ്യാഭ്യാസ സ്ഥാപനങ്ങളിൽ സ്വദേശി വത്കരണം പ്രഖ്യാപിച്ചു

അബ്‌ദുസ്സലാം കൂടരഞ്ഞി

റിയാദ്: സഊദിയിൽ ഇന്റർ നാഷണൽ സ്‌കൂളുകൾ അടക്കം വിദ്യാഭ്യാസ സ്ഥാപനങ്ങളിൽ സ്വദേശി വത്കരണം പ്രഖ്യാപിച്ചു. മാനവ വിഭവശേഷി സാമൂഹിക വികസന മന്ത്രി എഞ്ചിനീയർ അഹമ്മദ് ബിൻ സുലൈമാൻ അൽ രാജ്ഹിയാണ് സ്വകാര്യ സ്കൂളുകളിലെയും ഇന്റർ നാഷണൽ സ്‌കൂളുകളിലെയും തൊഴിലുകളിൽ സഊദി വത്കരണം പ്രഖ്യാപിച്ചത്. ഇതോടെ വിദ്യാഭാസ മേഖലയിൽ മലയാളികൾ അടക്കം ആയിരക്കണക്കിന് പേർക്ക് തൊഴിൽ നഷ്ടമാകും. അടുത്ത മൂന്ന് വർഷത്തിനുള്ളിൽ 28000 സഊദി യുവതി യുവാക്കൾക്ക് ഈ മേഖലയിൽ തൊഴിൽ നൽകാനാകുന്ന തരത്തിലാണ് മന്ത്രാലയം പദ്ധതികൾ പ്രഖ്യാപിച്ചിട്ടുള്ളത്.

സ്വകാര്യ സ്‌കൂളുകളിൽ ഗണിതശാസ്ത്രം, ഭൗതികശാസ്ത്രം, ജീവശാസ്ത്രം, ശാസ്ത്രം, കമ്പ്യൂട്ടർ എന്നീ വിഷയങ്ങളിലും ഇന്റർനാഷണൽ സ്‌കൂളുകളിൽ അറബി ഭാഷ, ദേശീയ ഐഡന്റിറ്റി, ഇസ്‌ലാമിക് പഠനങ്ങൾ, സാമൂഹ്യശാസ്ത്രം, കലാ വിദ്യാഭ്യാസം, ഫിസിക്കൽ എന്നീ വിഭാഗങ്ങളിലുമായിരിക്കും ആദ്യ ഘട്ടത്തിൽ സഊദി വത്കരണം നടപ്പിലാക്കുക. തുടർന്ന് ഘട്ടമായി വിവിധ വിഭാഗങ്ങളിൽ സ്വദേശി വത്കരണം നടപ്പാക്കാനുള്ള പദ്ധതികളാണ് പ്രഖ്യാപിച്ചത്.

സ്വകാര്യ സ്കൂളുകളിലെയും ഇന്റർനാഷണൽ സ്‌കൂളുകളിലെയും ഗേൾസ്, ബോയ്സ് സെക്ഷനുകളിൽ അടക്കം ആദ്യ ഘട്ടത്തിൽ നിരവധി സ്പെഷ്യലൈസേഷനുകൾ അനുസരിച്ച് മൂന്ന് വർഷത്തിൽ നിർദ്ദിഷ്ട നിരക്കിലായിരിക്കും സഊദി വത്കരണം നടപ്പിലാക്കുക.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.