2023 December 10 Sunday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

അന്താരാഷ്ട്ര എണ്ണ പ്രതിസന്ധി; സഊദിയും യുഎഇ യും രമ്യതയിലെത്തി,  ഒപെക് പ്രശ്‌നപരിഹാരമായി

റിയാദ്: അന്താരാഷ്‌ട്ര എണ്ണവിപണിയെ പ്രതിസന്ധിയിലാക്കിയ സഊദിയും യുഎഇ യും തമ്മിലുള്ള അഭിപ്രായഭിന്നത പരിഹരിച്ചതായി റിപ്പോർട്ട്.  ഇതോടെ ഒപെക് പ്രതിസന്ധി തീർന്നതായും അന്താരാഷ്‌ട്ര മാധ്യമങ്ങൾ റിപ്പോർട്ട് ചെയ്‌തു. രണ്ട് പ്രമുഖ ഒപെക് നിർമ്മാതാക്കൾ കരാർ അംഗീകരിച്ചതായി റോയിട്ടേഴ്സ് റിപ്പോർട്ട് ചെയ്‌തതിന്‌ പിന്നാലെ ബ്രെന്റ് ഓയിൽ വില ബാരലിന് ഒരു ഡോളർ മുതൽ 75 ഡോളർ വരെ കുറഞ്ഞു. ആഗോള എണ്ണയുത്പാദക രാജ്യങ്ങളിലെ പ്രമുഖരായ സഊദിയും യുഎഇയും തമ്മിൽ ഉടലെടുത്ത തർക്കം കാരണം ഈ മാസം നടക്കേണ്ടിയിരുന്ന ഒപെക് പ്ലസ് ചർച്ചകൾ ഉപേക്ഷിച്ചിരുന്നു.

പെട്രോളിയം കയറ്റുമതി രാജ്യങ്ങളുടെ ഓർഗനൈസേഷൻ, മറ്റു പ്രമുഖ ഉൽപാദക റഷ്യയും അവരുടെ സഖ്യകക്ഷികളും ഉൾപ്പെടുന്ന  ഒപെക് പ്ലസ് കൂട്ടായ്‌മ കയറ്റുമതിയെക്കുറിച്ച് തീരുമാനം കൈക്കൊള്ളേണ്ടതായിരുന്നു. ഇതാണ് തർക്കം മൂലം അനന്തമായി നീണ്ടത്. 

കൊവിഡ് മഹാമാരി മൂലമുണ്ടാകുന്ന മാന്ദ്യത്തെ നേരിടാൻ ഒപെക് പ്ലസ് കഴിഞ്ഞ വർഷം പ്രതിദിനം 10 ദശലക്ഷം ബാരൽ റെക്കോർഡ് ഉല്പാദന, കയറ്റുമതി വെട്ടിക്കുറക്കാൻ തീരുമാനിച്ചിരുന്നു. അതിനുശേഷം നിയന്ത്രണങ്ങൾ ക്രമേണ അയവുവരുത്തുകയും ഇപ്പോൾ ഏകദേശം 5.8 ദശലക്ഷം പ്രതിദിന ബാരൽ കയറ്റുമതിയിലാണ് നിൽക്കുന്നത്. ഉത്പാദനം ഉടൻ ഉയർത്താൻ സഊദി അറേബ്യയും യുഎഇയും അംഗീകരിച്ചിരുന്നുവെങ്കിലും ഉയർന്ന ഉൽപാദന ക്വാട്ട അനുവദിച്ചില്ലെങ്കിൽ നിലവിലുള്ള കരാർ 2022 ഡിസംബർ വരെ നീട്ടുന്നതിനെ യുഎഇ എതിർത്തിരുന്നു. യുഎഇ ആവശ്യം സഊദി സമ്മതിച്ചതായി ഒപെക് പ്ലസ് വൃത്തങ്ങൾ അറിയിച്ചു. 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.