2021 July 28 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഖത്തറിലേക്ക് അംബാസഡറെ അയച്ച് വീണ്ടും സഊദി

ജിദ്ദ: ഖത്തറുമായി ഉഭയ കക്ഷി ബന്ധങ്ങള്‍ കൂടുതല്‍ മെച്ചപ്പെടുത്തുന്നതിന്റെ ഭാഗമായി ഭാഗമായി നാലു വര്‍ഷത്തിനു ശേഷം ഖത്തറിലേക്കുള്ള അംബാസഡറെ സഊദി വീണ്ടും നിയോഗിച്ചു. പ്രിന്‍സ് മുന്‍സൂര്‍ ബിന്‍ ഖാലിദ് അല്‍ സൗദാണ് ഖത്തറിലെ പുതിയ അംബാസഡര്‍. ഇദ്ദേഹത്തിന്റെ നിയമനവുമായി ബന്ധപ്പെട്ട രേഖകള്‍ ഖത്തര്‍ ഉപപ്രധാന മന്ത്രിയും വിദേശകാര്യമന്ത്രിയുമായ ശെയ്ഖ് മുഹമ്മദ് ബിന്‍ അബ്ദുര്‍റഹ്മാന്‍ അല്‍താനി സ്വീകരിച്ചു.

അറബ് രാജ്യങ്ങളുടെ ഖത്തറുമായുള്ള ഉപരോധം അവസാനിപ്പിക്കാന്‍ തീരുമാനിച്ചതിന് ശേഷം ഇതാദ്യമായാണ് സഊദി ഖത്തറിലേക്ക് അംബാസഡറെ നിയോഗിക്കുന്നത്. അദ്ദേഹത്തിന്റെ പുതിയ ഉദ്യമത്തിന് എല്ലാ ആശംസകളും നേര്‍ന്ന ഖത്തര്‍ വിദേശകാര്യമന്ത്രി, ഇരുരാജ്യങ്ങള്‍ക്കുമിടയിലെ ബന്ധം കൂടുതല്‍ ഊഷ്മളമാക്കുന്നതിനുള്ള എല്ലാ പിന്തുണയും തന്റെ ഭാഗത്തു നിന്ന് ഉണ്ടാവുമെന്നും അദ്ദേഹം വാഗ്ദാനം ചെയ്തതായി ഖത്തര്‍ ന്യൂസ് ഏജന്‍സി അറിയിച്ചു. ഇരുരാജ്യങ്ങളും തമ്മിലെ സാഹോദര്യ ബന്ധം കൂടുതല്‍ ശക്തമാക്കാന്‍ സാധിക്കട്ടെ എന്നും അദ്ദേഹം ആശംസിച്ചു.

2017ലാണ് സഊദിയുടെ നേതൃത്വത്തില്‍ യുഎഇ, ഈജിപ്ത്, ബഹ്‌റൈന്‍ എന്നീ രാജ്യങ്ങള്‍ ചേര്‍ന്ന് ഖത്തറിനെതിരേ ഉപയോധം പ്രഖ്യാപിച്ചത്. മൂന്നര വര്‍ഷത്തെ ഉപരോധത്തിന് ശേഷം ഈ വര്‍ഷം റിയാദില്‍ ചേര്‍ന്ന ജിസിസി ഉച്ചകോടിയില്‍ ഖത്തറിനെതിരായ ഉപരോധം പിന്‍വലിക്കാനും ബന്ധം കൂടുതല്‍ ശക്തമാക്കാനും തീരുമാനം എടുക്കുകയായിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.