2022 July 05 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

വിനോദസഞ്ചാരികളെ ആകർഷിക്കാൻ മദ്യം ആവശ്യമില്ല; സഊദിയിൽ മദ്യ നിരോധന നിയമത്തിൽ മാറ്റമില്ലെന്ന് ടൂറിസം സഹമന്ത്രി ഹൈഫ ബിൻത് മുഹമ്മദ് അൽ സഊദ് രാജകുമാരി

റിയാദ്: സഊദി അറേബ്യയിലെത്തുന്ന സന്ദർശകരുടെ എണ്ണത്തിൽ വൻ വർധനവുണ്ടായതായിട്ടുണ്ടെന്നും ടൂറിസ്റ്റുകളെ ആകർഷിക്കാൻ സഊദിയിലെ മദ്യപാന നിരോധനവുമായി ബന്ധപ്പെട്ട നിലവിലെ നിയമങ്ങൾ പാലിക്കുന്നത് തുടരുമെന്ന് ടൂറിസം അസിസ്റ്റന്റ് മന്ത്രി ഹൈഫ ബിൻത് മുഹമ്മദ്‌ ആലു സഊദ് രാജകുമാരി പ്രസ്താവിച്ചു. ദാവോസിലെ വേൾഡ് ഇക്കണോമിക് ഫോറത്തിൽ പങ്കെടുത്ത് സംസാരിക്കവെയാണ് ഇക്കാര്യം വിശദീകരിച്ചത്.

വിനോദസഞ്ചാരത്തെ ആകർഷിക്കാൻ മദ്യം നിരോധിക്കുന്ന നിയമങ്ങളിൽ മാറ്റം വരുത്തേണ്ടതില്ല. നിലവിലെ നിയന്ത്രണങ്ങൾ ഉണ്ടായിരുന്നിട്ടും, രാജ്യം വിനോദസഞ്ചാരികളെ ആകർഷിക്കുന്നത് തുടരുകയും മികച്ച പ്രകടനം കാഴ്ചവെക്കുകയും ചെയ്തിട്ടുണ്ട്. മുൻ കാലങ്ങളിൽ മതപരമായ തീർത്ഥാടനത്തിനെത്തിയിരുന്ന സന്ദർശകരേക്കാൾ കൂടുതലായാണ് ഇപ്പോൾ ടൂറിസം മേഖലയിൽ സന്ദർശകരുടെ എണ്ണം. കഴിഞ്ഞ വർഷം 60 ദശലക്ഷത്തിലധികം സന്ദർശകർ സഊദിയിലെത്തിയെന്നും മന്ത്രി പറഞ്ഞു.

മദ്യ നിരോധനം തുടരുമ്പോഴും ആഗോള തലത്തിൽ വിനോദസഞ്ചാരികൾക്ക് ഇഷ്ടപ്പെട്ട രാജ്യമായി സഊദി അറേബ്യമാറിയെന്നും, ടൂറിസം മേഖലയിൽ മികച്ച പ്രകടനം കാഴ്ചവെക്കാൻ സാധിച്ചുവെന്നും ഹൈഫ ബിൻത് മുഹമ്മദ് അൽ സഊദ് രാജകുമാരി പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.