2022 June 29 Wednesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

ഇറാനെതിരെ ശക്തമായ നിലപാട് സ്വീകരിക്കണമെന്ന് സഊദി അറേബ്യ

അബ്‌ദുസ്സലാം കൂടരഞ്ഞി

     റിയാദ്: ഇറാനെതിരെ അന്താരാഷ്‌ട്ര സമൂഹം ശക്തമായ നിലപാട് സ്വീകരിക്കണമെന്ന് സഊദി അറേബ്യ. ഇറാനെതിരെയുള്ള ആയുധ നിരോധനം നീട്ടണമെന്നും സഊദി അറേബ്യ ആവശ്യപ്പെട്ടു. സഊദി മന്ത്രി സഭ വിർച്വൽ യോഗത്തിലാണ് ഇറാനെതിരെ ശക്തമായ നിലപാടുകളുമായി ലോക രാജ്യങ്ങൾ രംഗത്തെത്തണമെന്നു സഊദി അറേബ്യ ആവശ്യപ്പെട്ടത്. ഇറാൻ വികസിപ്പിച്ചുകൊണ്ടിരിക്കുന്ന ആണവ, ബാലിസ്റ്റിക് പരിപാടികളുമായി ഗൗരവമായി ഇടപെടാൻ ലോക രാജ്യങ്ങൾ മുന്നോട്ട് വരണമെന്നും സഊദി ആവശ്യപ്പെട്ടു.

    പ്രാദേശിക സ്ഥിരതയോടുള്ള രാജ്യത്തിന്റെ പ്രതിബദ്ധത തുരടുമെന്നും അതിർത്തികൾ ലംഘിക്കുന്നതും നിരന്തരമുള്ള ദേശീയ സുരക്ഷാ ഭീഷണികളും ജലാതിർത്തികളിലെ കടന്ന് കയറ്റം തുടങ്ങിയവ കണ്ടില്ലെന്ന് നടിക്കാൻ രാജ്യത്തിന് സാധിക്കില്ലെന്നും മന്ത്രി സഭ മുന്നറിയിപ്പ് നൽകി. സഊദി ഭരണാധികാരി സൽമാൻ ബിൻ അബ്ദുൽ അസീസ് രാജാവിന്റെ അധ്യക്ഷത്തിലാണ് വിർച്വൽ മന്ത്രി സഭായോഗം ചേർന്നത്. 2019 ഡിസംബർ 10 ന് റിയാദിൽ നടന്ന 40-ാമത് ജിസിസി സെഷനിൽ പുറപ്പെടുവിച്ച അറബ് രാജ്യങ്ങൾക്കായുള്ള സഹകരണ കൗൺസിലിന്റെ സുപ്രീം കൗൺസിലിന്റെ തീരുമാനം നടപ്പാക്കാൻ മന്ത്രിസഭ അംഗീകാരം നൽകി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.