2021 October 26 Tuesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സഊദി വിദേശ കാര്യ മന്ത്രി ഇന്ത്യയിൽ

ന്യൂഡൽഹി: സഊദി അറേബ്യയുടെ വിദേശകാര്യ മന്ത്രി ഫൈസൽ ബിൻ ഫർഹാൻ രാജകുമാരൻ ഇന്ത്യയിലെത്തി. രണ്ട് ദിവസത്തെ ഔദ്യോഗിക സന്ദർശനത്തിനായി ശനിയാഴ്ചയാണ് സംഘത്തോടൊപ്പം സഊദി വിദേശ കാര്യ മന്ത്രി ന്യൂഡൽഹിയിലെത്തയത് . സഊദി അറേബ്യ-ഇന്ത്യ ബന്ധം കൂടുതൽ തലങ്ങളിലേക്ക് വ്യാപിക്കാനും ശക്തിപ്പെടുത്താനായും സന്ദർശനം സഹായകരമാകും. ഇന്ന് ഡൽഹിയിലെ ഹൈദരാബാദ് ഹൗസിൽ ഇന്ത്യൻ വിദേശകാര്യ മന്ത്രി ഡോ: എസ് ജയശങ്കറുമായിയുമായി കൂടിക്കാഴ്ച നടത്തും.

ന്യൂഡൽഹിയിലെത്തിയ സഊദി വിദേശ കാര്യ മന്ത്രിയെ സഊദിയിലെ ഇന്ത്യൻ ഇന്ത്യൻ അംബാസഡർ ദോ: ഔസാഫ് സഈദ് സ്വീകരിച്ചു. അംബാസഡറും ഇന്ത്യൻ വിദേശകാര്യ മന്ത്രാലയവും ശനിയാഴ്ച വൈകുന്നേരം ഡോ: സഈദ് വിദേശകാര്യ മന്ത്രിക്കൊപ്പമുള്ള ഫോട്ടോ ട്വീറ്റ് ചെയ്തു.

ഇക്കഴിഞ്ഞ ആഗസ്റ്റിൽ സഊദി അറേബ്യ രാജ്യത്ത് താമസിക്കുന്നവർക്കായുള്ള ക്വാറന്റൈൻ നിയമ വരുത്തിയിരുന്നു. രാജ്യത്ത് നിന്ന് രണ്ട് ഡോസ് കൊവിഡ് -19 വാക്സിനുകളും സ്വീകരിച്ച് ഇന്ത്യയിൽ നിന്നുള്ള വിമാനങ്ങൾക്ക് പ്രവാസികൾക്ക് നേരിട്ട് വരാൻ സാഹചര്യം ഒരുക്കിയിരുന്നു. നിലവിൽ മറ്റുള്ളവർക്ക് ഇന്ത്യയിൽ നിന്ന് വിലക്ക് നില നിൽക്കുകയാണ്. ഇന്ത്യൻ വിദേശ കാര്യ മന്ത്രി ഡോ: എസ് ജയശങ്കർ കഴിഞ്ഞ മാസം ഓഗസ്റ്റിൽ സൗദി വിദേശകാര്യ സഹമന്ത്രി ആദിൽ അൽ ജുബൈറുമായി ഉഭയകക്ഷി ചർച്ചകൾ നടത്തിയിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.