2022 August 16 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

2018 മുതല്‍ സഊദിയില്‍ സിനിമാ പ്രദര്‍ശനത്തിന് അനുമതി

ജിദ്ദ: സഊദി അറേബ്യയില്‍ പൊതു സിനിമാ ശാലകള്‍ക്ക് അനുമതി നല്‍കാന്‍ തീരുമാനം. സാംസ്‌കാരിക, വിവര മന്ത്രാലയമാണ് ഇക്കാര്യം അറിയിച്ചത്. 2018 മാര്‍ച്ചില്‍ സിനിമകള്‍ പ്രദര്‍ശിപ്പിച്ചു തുടങ്ങുമെന്നാണ് മന്ത്രാലയത്തില്‍ നിന്നുള്ള അറിയിപ്പ്.

മന്ത്രി അവാദ് അല്‍ അവാദിന്റെ നേതൃത്വത്തില്‍ തിങ്കളാഴ്ച ചേര്‍ന്ന യോഗത്തിലാണ് ഇതുസംബന്ധിച്ച പ്രമേയം പാസാക്കിയത്. വാണിജ്യാടിസ്ഥാനത്തില്‍ സിനിമാ ശാലകള്‍ അനുവദിക്കുന്നതിനാണ് പ്രമേയം.

സിനിമാ മേഖല രാജ്യത്തിന്റെ ജി.ഡി.പിയിലേക്ക് 90 മില്യണ്‍ സഊദി റിയാല്‍ കൂട്ടിച്ചേര്‍ക്കുമെന്ന് മന്ത്രാലയത്തിന്റെ പ്രസ്താവനയില്‍ പറയുന്നു. ഇത് 2030 ഓടെ 30,000 സ്ഥിരം ജോലിയും 1,30,000 താല്‍ക്കാലിക ജോലിയും സൃഷ്ടിക്കുമെന്നും പ്രസ്താവനയില്‍ പറയുന്നു.

സിനിമയിലെ ഉള്ളടക്കം രാജ്യത്തിന്റെ വിവര നയത്തിന് വിധേയമായിട്ടായിരിക്കുമെന്നും വ്യക്തമാക്കുന്നുണ്ട്. സഊദിയുടെ മൂല്യത്തിനും പാരമ്പര്യത്തിനും ചേരുന്നതായിരിക്കണം അതെന്നും നിര്‍ദേശമുണ്ട്.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.