2021 May 16 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സമസ്ത പൊതു പരീക്ഷ: ജിസാനിൽ നൂറുമേനി വിജയം

ജിസാൻ: സമസ്ത കേരള ഇസ്‌ലാം മതവിദ്യാഭ്യാസ ബോർഡ് ഏപ്രിൽ രണ്ട്, മൂന്ന് തിയ്യതികളിൽ നടത്തിയ പൊതു പരീക്ഷയിൽ അഞ്ച്, ഏഴ് ക്ലാസുകളിൽ പരീക്ഷ എഴുതിയ ജിസാനിലെ മുഴുവൻ വിദ്യാർത്ഥികളും വിജയിച്ച് ജിസാനിൽ സമസ്‌ത മദ്രസ നൂറ് മേനി വിജയം നേടി. ഡിസ്റ്റിംഗ്ഷൻ ,ഫസ്റ്റ് ,മാർക്കോടെയാണ് ഉജ്ജ്വല വിജയം നേടിയത്. ഉന്നത വിജയം നേടിയവർ: ക്ലാസ് അഞ്ച്: ഫാതിമ സുഹ വെളിയമ്പ്രം (ഡിസ്റ്റിങ്ഷൻ), മുഹമ്മദ് റുശൈദ് പാലത്തോൾ, അബ്ദുല്ല റാശിദ് തലശ്ശേരി (ഫസ്റ്റ് ക്ലാസ് ). ക്ലാസ് ഏഴ്: മുഹമ്മദ് സ്വാലിഹ് പി വളമംഗലം, സുൽതാൻ വി പൂക്കോട്ടൂർ (ഡിസ്റ്റിങ്ഷൻ) മുഹമ്മദ് സഹദ് കണ്ണൂർ, സാമിയ സക്കീർ സി താഴക്കോട് (ഫസ്റ്റ് ക്ലാസ്).

ഉന്നത വിജയം കരസ്ഥമാക്കി അഭിമാനമായ വിദ്യാർത്ഥികളെയും ഇതിന് വഴികാട്ടിയായ ഉസ്താദുമാരെയും സമസ്‌ത ഇസ്‌ലാമിക് സെന്റർ ജിസാൻ സെൻട്രൽ കമ്മിറ്റി അഭിനന്ദിച്ചു. മുസ്തഫ ദാരിമി മേലാറ്റൂർ അധ്യക്ഷത വഹിച്ചു. പി എ സലാം പെരുമണ്ണ ബദ്റ് അനുസ്മരണ പ്രഭാഷണം നടത്തി. ബീരാൻ ഫൈസി പുത്തനഴി പ്രാർത്ഥനക്ക് നേതൃത്വം നൽകി. ഗഫൂർ വാവൂർ, മുസാഫർ മുക്കം, സ്വാലിഹ് ചെമ്മാട് സംസാരിച്ചു. അനീസ് വെള്ളേരി സ്വാഗതവും അക്ബർ പറപ്പൂർ നന്ദിയും പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.