അനധികൃത സ്വത്ത് സമ്പാദനം; സക്കീര്‍ ഹുസൈനെ തിരിച്ചെടുത്ത് സി.പി.എം
കൊച്ചി: അനധികൃത സ്വത്ത് സമ്പാദനത്തിന്റെ പേരില്‍ പാര്‍ട്ടിയില്‍ നിന്ന് സസ്‌പെന്‍ഡ് ചെയ്ത കളമശേരി ഏരിയാ സെക്രട്ടറി സക്കീര്‍ ഹുസൈനെ പ്രാഥമിക അംഗത്വം നല്‍കി തിരിച്ചെടുക്കാന്‍ സി.പി.എം തീരുമാനം.
സംസ്ഥാന സെക്രട്ടറിയുടെ ചുമതലയുള്ള എ.വിജയരാഘവന്റെ നേതൃത്വത്തില്‍ വ്യാഴാഴ്ച ചേര്‍ന്ന ജില്ലാ കമ്മിറ്റിയുടേതാണ് തീരുമാനം. സസ്‌പെന്‍ഷന്‍ കാലാവധിയായ ആറുമാസം പൂര്‍ത്തിയായ സാഹചര്യത്തിലാണ് സക്കീറിനെ തിരിച്ചെടുക്കുന്നതെന്നാണ് പാര്‍ട്ടി വിശദീകരണം.
അതേസമയം, സക്കീര്‍ ഹുസൈന്‍ ഏതുഘടകത്തില്‍ പ്രവര്‍ത്തിക്കുമെന്നത് സംബന്ധിച്ച് തീരുമാനമായിട്ടില്ല. എറണാകുളം മുന്‍ ലോക്കല്‍ സെക്രട്ടറി കെ.കെ ശിവന്‍ നല്‍കിയ പരാതിയിന്മേലായിരുന്നു സക്കീര്‍ ഹുസൈനെ പാര്‍ട്ടിയില്‍ നിന്ന് ആറുമാസത്തേക്ക് സസ്‌പെന്‍ഡ് ചെയ്തത്. സംസ്ഥാന സമിതി അംഗം സി.എം ദിനേശ്മണി ഉള്‍പ്പെടുന്ന മൂന്നംഗ കമ്മിറ്റിയാണ് ആരോപണങ്ങള്‍ വസ്തുതാപരമാണെന്ന് കണ്ടെത്തിയത്. കഴിഞ്ഞ ജൂണിലാണ് പ്രാഥമിക അംഗത്വം സസ്‌പെന്‍ഡ് ചെയ്ത് സക്കീര്‍ ഹുസൈനെ കളമശേരി ഏരിയാ സെക്രട്ടറി സ്ഥാനത്തുനിന്നും ജില്ലാ കമ്മിറ്റിയില്‍നിന്നും നീക്കാന്‍ തീരുമാനിച്ചത്.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Comments are closed for this post.
Latest News
- വിജയ് ഹസാരെ ട്രോഫി: മഹാരാഷ്ട്രയ്ക്കെതിരെ കേരളത്തിന് തകര്പ്പന് ജയം
- പ്രവാസികൾക്ക് സന്തോഷ വാർത്ത; കേരള-ഗള്ഫ് യാത്രാക്കപ്പല് യാഥാര്ഥ്യത്തിലേക്ക്
- ചാറ്റ് ജിപിടിയെ തറപറ്റിക്കാന് ഗൂഗിള് ജെമിനി എത്തുന്നു; മനുഷ്യബുദ്ധിയേയും മറികടക്കുമെന്ന് കമ്പനി
- ഒറ്റ ഷോറൂമില് നിന്ന് പല കമ്പനികളുടെ ഇലക്ട്രിക്ക് സ്കൂട്ടര് വാങ്ങാം; സംഭവം ഇങ്ങനെ
- ‘അടിച്ച ആളുമാറി’ നവകേരള സദസിനിടെ മര്ദ്ദനമേറ്റ സി.പി.എം പ്രവര്ത്തകന് പാര്‍ട്ടി വിട്ടു
