ന്യൂഡല്‍ഹി: യു.പിയില്‍ തടവില്‍ കഴിയുന്ന മാധ്യമപ്രവര്‍ത്തകന്‍ സിദ്ധീഖ് കാപ്പന്റെ കുടുംബത്തിന് പിന്തുണയുമായി രാഹുല്‍ ഗാന്ധി. അദ്ദേഹം പൂര്‍ണ സംരക്ഷണവും വൈദ്യസഹായവും അര്‍ഹിക്കുന്നുവെന്ന് രാഹുല്‍ ഗാന്ധി പറഞ്ഞു.

‘വാര്‍ത്താവാഹകനെ വേട്ടയാടി ആര്‍.എസ്.എസും ബി.ജെ.പിയും അവരുടെ ധൈര്യമില്ലായ്മ കാണിക്കുന്നു. കുറ്റകൃത്യം നിര്‍ത്തിക്കൂ, അല്ലാതെ അത് റിപ്പോര്‍ട്ട് ചെയ്യുന്നതല്ല’- രാഹുല്‍ ഗാന്ധി പറഞ്ഞു.

ഫെയ്‌സ്ബുക്കിലൂടെയാണ് രാഹുല്‍ ഗാന്ധിയുടെ പ്രതികരണം. സിദ്ധീഖ് കാപ്പന് നീതി നിഷേധിക്കുന്നതു സംബന്ധിച്ച് എഡിറ്റേര്‍സ് ഗില്‍ഡ് ഓഫ് ഇന്ത്യ പുറത്തിറക്കിയ വാര്‍ത്താക്കുറിപ്പ് പങ്കുവച്ചാണ് രാഹുല്‍ ഗാന്ധിയുടെ പ്രതികരണം.