2020 September 28 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഇറാനില്‍ രണ്ടരകോടി പേര്‍ക്ക് കൊവിഡ് ബാധിച്ചതായി ഹസന്‍ റൂഹാനി; മൂന്നര കോടി പേര്‍ക്കെങ്കിലും ബാധിക്കുമെന്ന് മുന്നറിയിപ്പ്

 

തെഹ്‌റാന്‍: ഇറാനില്‍ കൊവിഡ് ബാധിതരുടെ എണ്ണം രണ്ടര കോടിയില്‍ എത്തിയതായും 14,000 പേര്‍ മരിച്ചതായും പ്രസിഡന്റ് ഹസന്‍ റൂഹാനി. മൂന്നരകോടി പേര്‍ക്ക് രോഗം ബാധിക്കുമെന്ന് കരുതുന്നതായും അദ്ദേഹം പറഞ്ഞു. ലോകത്തെ ആകെ കൊവിഡ് ബാധിതരുടെ എണ്ണം ഒന്നര കോടിയില്‍ താഴെയായിരിക്കെയാണിത്.

എട്ടു കോടിയിലേറെയാണ് ഇറാനിലെ ജനസംഖ്യ. രണ്ടു ലക്ഷം പേരെ കൊവിഡുമായി ബന്ധപ്പെട്ട് ആശുപത്രിയില്‍ പ്രവേശിപ്പിച്ചതായി റൂഹാനി വ്യക്തമാക്കി. അതേസമയം ഔദ്യോഗിക കണക്കനുസരിച്ച് 2,69,440 പേര്‍ക്കാണ് രാജ്യത്ത് കൊവിഡ് ബാധിച്ചത്.

അതിനിടെ യു.എസില്‍ തുടര്‍ച്ചയായ രണ്ടാം ദിവസവും 70,000ത്തിലേറെ പേര്‍ക്ക് രോഗം ബാധിച്ചു. മഹാമാരി ലോകത്തിന്റെ ദൗര്‍ബല്യത്തെയാണ് കാണിക്കുന്നതെന്നും 10 കോടി ജനങ്ങളെ ഇത് പട്ടിണിയിലേക്ക് തള്ളിവിടുമെന്നും യു.എന്‍ സെക്രട്ടറി ജനറല്‍ അന്റോണിയോ ഗുട്ടറസ് പറഞ്ഞു.

അതേസമയം ആന്റിബോഡി ടെസ്റ്റ് 98.6 ശതമാനം കൃത്യതയുള്ളതാണെന്ന് തെളിഞ്ഞതായി ബ്രിട്ടന്‍ അവകാശപ്പെട്ടു. ഇതോടെ രാജ്യത്ത് ലക്ഷക്കണക്കിനു പേര്‍ക്ക് സൗജന്യമായി ആന്റിബോഡി ടെസ്റ്റ് നടത്താന്‍ ഒരുങ്ങുകയാണ് സര്‍ക്കാര്‍.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.