2021 July 28 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

പെരുന്നാള്‍ നിസ്‌കാരത്തിനിടെ അഫ്ഗാന്‍ പ്രസിഡന്റിന്റെ കൊട്ടാരത്തിനു സമീപം റോക്കറ്റാക്രമണം

പുറത്ത് നിരവധി പൊട്ടിത്തെറികള്‍ ഉണ്ടായെങ്കിലും പ്രസിഡന്റ് അഷ്‌റഫ് ഗനിയും കൂട്ടരും പെരുന്നാള്‍ നിസ്‌കാരം തുടര്‍ന്നു

കാബൂള്‍: താലിബാന്‍ പിടിച്ചടക്കലിനെ തുടര്‍ന്നുള്ള സംഘര്‍ഷാവസ്ഥയിലുള്ള അഫ്ഗാനിസ്ഥാനില്‍ പ്രസിഡന്റിന്റെ കൊട്ടാരത്തിനു സമീപം മിസൈല്‍ പതിച്ചു. ബലിപെരുന്നാള്‍ നിസ്‌കാരം നടക്കുന്നതിനിടെയാണ് സംഭവം.

സംഭവത്തില്‍ ആളപായങ്ങളൊന്നും ഇതുവരെ റിപ്പോര്‍ട്ട് ചെയ്തിട്ടില്ല. ആക്രമണത്തിന് പിന്നില്‍ ആരാണെന്നും വ്യക്തമായിട്ടില്ല.

പുറത്ത് നിരവധി പൊട്ടിത്തെറികള്‍ ഉണ്ടായെങ്കിലും പ്രസിഡന്റ് അഷ്‌റഫ് ഗനിയും കൂട്ടരും പെരുന്നാള്‍ നിസ്‌കാരം തുടര്‍ന്നു. ഇതിന്റെ വീഡിയോ പുറത്തുവന്നിട്ടുണ്ട്.

രാവിലെ എട്ടു മണിയോടെയാണ് സംഭവം. നിരവധി എംബസികളടക്കമുള്ള ഏറെ തന്ത്രപ്രധാനമായ കേന്ദ്രത്തിലാണ് മിസൈല്‍ പതിച്ചിരിക്കുന്നത്.

മൂന്ന് മിസൈലെങ്കിലും പതിച്ചുവെന്നാണ് അല്‍ജസീറ റിപ്പോര്‍ട്ട് ചെയ്യുന്നത്. അഫ്ഗാനിസ്ഥാന്റെ ശത്രുക്കള്‍ കാബൂളിന്റെ വിവിധ ഭാഗങ്ങളില്‍ മിസൈലുകള്‍ തൊടുത്തുവെന്ന് ആഭ്യന്തര മന്ത്രാലയ വക്താവ് മിര്‍വായിസ് പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.