2022 May 22 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഇന്ത്യയില്‍ വന്‍നിക്ഷേപം നടത്താന്‍ ഖത്തര്‍ സര്‍ക്കാര്‍ ഒരുങ്ങുന്നു

അഹമ്മദ് പാതിരിപ്പറ്റ

ദോഹ: ഇന്ത്യന്‍ പ്രധാനമന്ത്രി നരേന്ദ്ര മോദി വരും ദിവസങ്ങളില്‍ ഖത്തര്‍ ഇന്‍വെസ്റ്റ്‌മെന്റ് അതോറിട്ടി അധികൃതരുമായി ചര്‍ച്ചകള്‍ നടത്തിയേക്കുമെന്ന് റിപ്പോര്‍ട്ട്. ദ ഹിന്ദു പത്രമാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്. ഇന്ത്യയില്‍ വിദേശ നിക്ഷേപം ആകര്‍ഷിക്കാനുള്ള മോദി സര്‍ക്കാരിന്റെ ശ്രമങ്ങളുടെ ഭാഗമായാണ് ഇന്ത്യന്‍ പ്രധാനമന്ത്രി ആഗോള തലത്തിലെ മികച്ച വിദേശ നിക്ഷേപകരുമായി വിര്‍ച്വല്‍ കൂടിക്കാഴ്ച നടത്താന്‍ പദ്ധതിയിടുന്നത്.

ഖത്തര്‍ ഇന്‍വെസ്റ്റ്‌മെന്റ് അതോറിട്ടി മുഖാന്തരമാണ് ഖത്തര്‍ സര്‍ക്കാര്‍ ഇന്ത്യന്‍ സര്‍ക്കാരുമായി നിക്ഷേപ പദ്ധതികള്‍ക്ക് ആലോചന നടത്തുന്നത്. കൊവിഡിന് ശേഷം ഇന്ത്യന്‍ സാമ്പത്തിക വ്യവസ്ഥ കൈവരിച്ചു കൊണ്ടിരിക്കുന്ന അഭിവൃദ്ധികളില്‍ ഖത്തര്‍ സര്‍ക്കാര്‍ പ്രതീക്ഷ അര്‍പ്പിക്കുന്നുണ്ട്. നിലവില്‍ ബൈജു ആപ്, മുംബൈ ആസ്ഥാനമായ അദാനി വൈദ്യുതി പ്രോജക്റ്റ് എന്നിവയില്‍ ഖത്തര്‍ ഇന്‍വെസ്റ്റ്‌മെന്റ് അതോറിട്ടി നിക്ഷേപം നടത്തിയിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.