2021 January 18 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഗൾഫ് പ്രതിസന്ധി പരിഹരിക്കുന്നതിൽ ശുഭസൂചനകൾ കണ്ടുതുടങ്ങിയതായി ഖത്തർ

അഹമ്മദ് പാതിരിപ്പറ്റ

 

ദോഹ: ഈയിടെ നടന്ന അനുരഞ്ജന ചര്‍ച്ചകളില്‍ ഗള്‍ഫ് പ്രതിസന്ധി പരിഹരിക്കുന്നതിലേക്കുള്ള ശുഭസൂചനകള്‍ കാണുന്നുണ്ടെന്ന് യുഎസിലെ ഖത്തര്‍ അംബാസഡര്‍ മിഷല്‍ ആല്‍ഥാനി.

സൗദി അറേബ്യയുടെ വിദേശകാര്യമന്ത്രിയില്‍ നിന്ന് പ്രതീക്ഷനല്‍കുന്ന സൂചനകള്‍ കാണുന്നുണ്ട്. യുഎസ് സ്റ്റേറ്റ് സെക്രട്ടറി പോംപിയോയുടെ സന്ദര്‍ശനവും കുവൈത്ത് വിദേശകാര്യമന്ത്രിയുടെ പ്രസ്താവനയുമൊക്കെ ശുഭകരമാണ്. കുവൈത്തിന്റെ ശ്രമങ്ങള്‍ക്ക് സെക്രട്ടറി പോംപിയോ പിന്തുണ പ്രഖ്യാപിച്ചിട്ടുണ്ട്. അതു കൊണ്ട് തന്നെ പ്രശ്‌നം പരിഹരിക്കപ്പെടുമെന്ന കാര്യത്തില്‍ ശുഭാപ്തി വിശ്വാസമുണ്ടെന്ന് ആല്‍ഥാനി പറഞ്ഞു.

വിഷയത്തില്‍ ഉള്‍പ്പെട്ട എല്ലാ കക്ഷികളും രാജ്യത്തിന്റെ പരമാധികാരം പരസ്പരം ബഹുമാനിച്ച് കൊണ്ട് ചര്‍ച്ചയ്ക്ക് തയ്യാറായാല്‍ ഉപരോധം അവസാനിക്കുന്നതിന് വഴിയൊരുങ്ങുമെന്ന് ഖത്തര്‍ അംബാസഡര്‍ പറഞ്ഞു. ഖത്തര്‍ ചര്‍ച്ചയുടെ വാതിലുകള്‍ എപ്പോഴും തുറന്നിട്ടിരിക്കുകയാണെന്നും അദ്ദേഹം കൂട്ടിച്ചേര്‍ത്തു.

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.