2021 December 07 Tuesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

‘പഞ്ചാബിന്റെ പുനരുദ്ധാരണത്തിനായുള്ള അവസാനത്തെ അവസരം’; 13 വിഷയങ്ങള്‍ ചൂണ്ടിക്കാട്ടി സോണിയയ്ക്ക് സിദ്ദുവിന്റെ കത്ത്

ന്യൂഡല്‍ഹി: നിയമസഭാ തെരഞ്ഞെടുപ്പ് പ്രചാരണത്തിന് 13 ഇന അജണ്ടയുമായി പഞ്ചാബ് കോണ്‍ഗ്രസ് നേതാവ് നവജ്യോത് സിങ് സിദ്ദു. ഇതുമായി ബന്ധപ്പെട്ട് സിദ്ദു കോണ്‍ഗ്രസ് അധ്യക്ഷ സോണിയാ ഗാന്ധിക്ക് കത്തയച്ചു.

മതനിന്ദ കേസുകളിലെ നീതി, പഞ്ചാബിലെ മയക്കുമരുന്ന് പ്രശ്നങ്ങള്‍, കാര്‍ഷിക പ്രശ്നങ്ങള്‍, വൈദ്യുതി, തൊഴില്‍ അവസരങ്ങള്‍, മണല്‍ ഖനനം, പിന്നോക്ക സമുദായത്തിന്റെ ക്ഷേമം എന്നിവയെല്ലാമാണ് കത്തില്‍ ചൂണ്ടിക്കാണിച്ചിരിക്കുന്നത്.

പഞ്ചാബിന്റെ പുനരുദ്ധാരണത്തിനുള്ള അവസാന അവസരമാണിതെന്ന് സിദ്ദു ചൂണ്ടിക്കാണിക്കുന്നു. പതിറ്റാണ്ടുകളായി രാജ്യത്ത് ഏറ്റവും സമ്പന്നമായിരുന്ന സംസ്ഥാനം ഇപ്പോള്‍ കടത്തിലാണെന്നും അദ്ദേഹം പറഞ്ഞു.

ഒക്ടോബര്‍ 15 നാണ് സിദ്ദു ഇതുമായി ബന്ധപ്പെട്ട് സോണിയയ്ക്ക് കത്തയച്ചത്. എന്നാല്‍ ഇന്നാണ് സിദ്ദു കത്ത് ട്വിറ്ററിലൂടെ പുറത്തുവിട്ടത്.

ഡല്‍ഹിയിലെത്തി കോണ്‍ഗ്രസ് നേതാവ് രാഹുല്‍ ഗാന്ധിയേയും കെ.സി.വേണുഗോപാലിനേയും കണ്ടതിന് ശേഷമാണ് സിദ്ദു കത്ത് ടിറ്റ്വറില്‍ പങ്കുവെച്ചത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.