2022 August 16 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

പ്രവാസി മടക്കം: സഊദിയിൽ നിന്ന് ഇന്നും നാളെയുമായി കോഴിക്കോട്, കണ്ണൂർ, കൊച്ചി സർവ്വീസുകൾ, നാട്ടിലെത്തുക 450 പ്രവാസികൾ

അബ്ദുസ്സലാം കൂടരഞ്ഞി 

    റിയാദ്: കേന്ദ്ര സർക്കാരിന്റെ വന്ദേ ഭാരത് മിഷൻ പദ്ധതിയുടെ ഭാഗമായി ഏർപ്പെടുത്തിയ അടിയന്തിര വിമാന സർവ്വീസിന്റെ രണ്ടാം ഘട്ടത്തിൽ സഊദിയിൽ നിന്ന് കേരളത്തിലേക്ക് മൂന്ന് വിമാനങ്ങൾ പുറപ്പെടും. റിയാദ്-കോഴിക്കോട്, ദമാം-കൊച്ചി വിമാനം ഇന്നും റിയാദ്-കണ്ണൂര്‍ നാളെയുമാണ് പുറപ്പെടുന്നത്. ഓരോ സർവ്വീസിലും 150 യാത്രക്കാർക്കാണ് അനുമതി. മൂന്ന് സർവ്വീസുകളിലായി 450 പ്രവാസികളെയാണ് എയർ ഇന്ത്യ വിമാനത്തിൽ നാട്ടിലെത്തിക്കാനാകുക. കൂടാതെ, രണ്ടാം ഘട്ടത്തിൽ ഉൾപ്പെട്ട ദമാം-ബംഗാളുരു- ഹൈദരാബാദ്, ജിദ്ദ-വിജയവാഡ-ഹൈദരാബാദ് നാളെയും റിയാദ്-ഹൈദരാബാദ്-വിജയവാഡ മെയ് 23 നും പുറപ്പെടും. കേരളത്തിലേക്കുള്ള മൂന്ന് സർവ്വീസുകൾ ഉൾപ്പെടെ ഇന്ത്യയിലേക്ക് ഈയാഴ്ച്ച ആറു സർവീസുകളാണ് ഏർപ്പെടുത്തിയിരിക്കുന്നത്.

   റിയാദില്‍ നിന്നും കോഴിക്കോട്, കണ്ണൂര്‍ എന്നിവിടങ്ങളിലെക്കായി രണ്ടു സര്‍വ്വീസുകളും ദമാമില്‍ നിന്നും കൊച്ചിയിലേക്ക് ഒരു സര്‍വ്വീസുമടക്കം മൂന്ന്‍ വിമാന സര്‍വ്വീസുകളാണ് കേരളത്തിലേക്ക് ഇടം നേടിയത്. കരിപ്പൂരിലേക്കുള്ള​​ ആ​ദ്യ വി​മാ​നം എയർ ഇന്ത്യ എ ഐ 1906 ചൊ​വ്വാ​ഴ്​​ച ഉ​ച്ച​ക്ക്​ 12.45ന്​ ​റി​യാ​ദി​ൽ നി​ന്ന്​ പു​റ​പ്പെ​ട്ട്​ രാ​ത്രി എട്ടു മണിയോടെ ക​രി​പ്പൂ​രി​ലെ​ത്തും. ഇ​തേ ദി​വ​സം തന്നെ ദമാമിൽ ​നി​ന്നും കൊ​ച്ചി​യി​ലേ​ക്ക്​ എ ഐ 1908 രാത്രി എട്ടു മണിയോടെ പുറപ്പെട്ട് രാ​ത്രി എട്ടു മണിയോടെ കൊച്ചിയിലെത്തും. ബു​ധ​നാ​ഴ്​​ച റിയാദിൽ​ നി​ന്ന്​ ക​ണ്ണൂ​രി​ലേ​ക്കു​ള്ള​ എ ഐ 1912 വി​മാ​നം ഉ​ച്ച​ക്ക്​ 12.45ന്​ പുറപ്പെട്ടു ​രാ​ത്രി 20:30 നു നാ​ട്ടി​ലെ​ത്തും.

    അതേസമയം, വളരെ കുറച്ച് പ്രവാസികൾക്ക് മാത്രമാണ് ഈയാഴ്ച്ചയും നാട്ടിലെത്താനാകുക. കേരളത്തിലേക്ക് മൂന്ന് വിമാനങ്ങളിലായി 450 ആളുകളും ഇന്ത്യയിലേക്കുള്ള മറ്റു മൂന്ന് വിമാനങ്ങളിലായി 450 പ്രവാസികൾക്കും മാത്രമാണ് യാത്രാ സൗകര്യം ലഭിക്കുക. ഏകദേശം ഒരു ലക്ഷത്തോളം ഇന്ത്യക്കാരാണ് എംബസിയിൽ രജിസ്റ്റർ ചെയ്‌തു കാത്തിരിക്കുന്നത് .


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.