2021 May 16 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഫിലിപ്പൈന്‍സില്‍ നാശം വിതച്ച് ‘ടെമ്പിന്‍’; മരണം 180 ആയി

മനില: ഫിലിപ്പൈന്‍സില്‍ വീശിയടിച്ച ടെമ്പിന്‍ ചുഴലിക്കാറ്റിലും പ്രളയത്തിലും മരിച്ചവരുടെ എണ്ണം 180 ആയി. 160 ഓളം പേരെ കാണാനില്ലെന്നും മരണസംഖ്യ ഇനിയും ഉയരാന്‍ ഇടയുണ്ടെന്നുമാണ് വിവരം.

ചുഴലിക്കാറ്റിനാല്‍ മിന്‍ഡാനോ ദ്വീപില്‍ വെള്ളപ്പൊക്കവും മണ്ണിടിച്ചിലുമുണ്ടായതാണ് മരണ സംഖ്യ വര്‍ധിച്ചത്. ദ്വീപിലെ ടൂബെഡ്, പയാഗപോ എന്നീ രണ്ടു നഗരങ്ങളിലാണ് ഏറ്റവും കൂടുതല്‍ അപകടമുണ്ടായത്. ഇവിടങ്ങളിലെ നിരവധി വീടുകള്‍ വെള്ളപ്പൊക്കത്തില്‍ ഒഴുകിവന്ന കൂറ്റന്‍ പാറകളാല്‍ മൂടിയിരിക്കുകയാണ്.നിരവധി പ്രദേശങ്ങള്‍ വെള്ളത്തിനടിയിലായി. മണ്ണില്‍ അകപ്പെട്ട മൃതദേഹങ്ങള്‍ പുറത്തെടുക്കാന്‍ സന്നദ്ധ സംഘടനകള്‍ ശ്രമം തുടരുകയാണ്. 70,000ത്തില്‍ അധികം പേരെ ദക്ഷിണ ഫിലിപ്പൈന്‍സിലില്‍ നിന്ന് ഒഴിപ്പിച്ചു.

80 കിലോ മീറ്റര്‍ വേഗതയിലാണ് ഇവിടെ കാറ്റ് അടിച്ചുവീശിയത്. ടെമ്പിന്‍ ചുഴലിക്കാറ്റ് ഫിലിപ്പൈന്‍സില്‍ അടിച്ചുവീശാറുണ്ടെങ്കിലും മിന്‍ഡാനോ ദ്വീപിനെ ബാധിക്കാറില്ല. വെള്ളിയാഴ്ച മുതല്‍ ടെംമ്പിന്‍ ചുഴലിക്കാറ്റ് ഫിലിപ്പൈന്‍സില്‍ അടുച്ചുവീശാന്‍ തുടങ്ങിയതിനാല്‍ രാജ്യത്തിന്റെ ചിലഭാഗങ്ങളില്‍ അടിയന്തരാവസ്ഥ പ്രഖ്യാപിച്ചിരുന്നു.

ഒരാഴ്ച മുന്‍പ് മധ്യഫിലിപ്പൈന്‍സിലുണ്ടായ കൈ ടാക് ചുഴലിക്കാറ്റിനെ തുടര്‍ന്ന് 12ല്‍പ്പരം ആളുകള്‍ മരിച്ചിരുന്നു. 2013 മുതല്‍ ഇവിടയുണ്ടായ ചുഴലിക്കാറ്റിനെ തുടര്‍ന്ന് 5,000 പേര്‍ മരണപ്പെടുകയും ലക്ഷക്കണക്കിന് പേര്‍ക്ക് നാശനഷ്ടങ്ങളുമുണ്ടായിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.