2020 December 04 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

നോര്‍ത്ത് ഈസ്റ്റ് യുനൈറ്റഡിനെതിരെ മുംബൈ സിറ്റിക്ക് തോല്‍വി

പനാജി: ഐ.എസ്.എല്ലില്‍ കരുത്തുകൂട്ടിയെത്തിയ മുംബൈ സിറ്റിയെ ഒരു ഗോളിന് തോല്‍പ്പിച്ച് നോര്‍ത്ത് ഈസ്റ്റ് യൂനൈറ്റഡ്. 49-ാം മിനിറ്റില്‍ ലഭിച്ച പെനാല്‍റ്റിയിലൂടെ നോര്‍ത്ത് ഈസ്റ്റിന്റെ ഘാന താരം ക്വെസി അപീയ ആണ് വിജയ ഗോള്‍ നേടിയത്.

സിറ്റി ഗ്രൂപ്പ് ഏറ്റെടുത്ത ശേഷം കരുത്തരായ താരങ്ങളുമായി ഇറങ്ങിയ മുംബൈ ടീം കളിയില്‍ മുഴുസമയം ആധിപത്യം പുലര്‍ത്തിയെങ്കിലും വിജയവഴി കണ്ടില്ല. അഹമ്മദ് ജാഹു ചുവപ്പ് കാര്‍ഡ് കണ്ട് പുറത്തായതും വിനയായി.

ആദ്യപകുതി ഗോള്‍രഹിതമായി അവസാനിച്ചെങ്കിലും രണ്ടാം പകുതിയുടെ തുടക്കത്തില്‍ തന്നെ നോര്‍ത്ത് ഈസ്റ്റിന് അനുകൂലമായ പെനാല്‍റ്റി ലഭിക്കുകയായിരുന്നു. ബോക്‌സിനകത്ത് മുംബൈ താരം റോളിന്‍ ബോര്‍ജസിന്റെ ഹാന്റ് ബോളാണ് പെനാല്‍റ്റിയിലേക്ക് നയിച്ചത്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.