2024 March 01 Friday
രാജീവ് ഗാന്ധി വധക്കേസില്‍ ജയില്‍മോചിതനായ ശാന്തന്‍ മരിച്ചു

ന്യൂനപക്ഷ ഫെല്ലോഷിപ് പുനഃസ്ഥാപിക്കില്ലെന്ന് കേന്ദ്രസർക്കാർ

 

ന്യൂഡൽഹി: കേന്ദ്ര സർക്കാർ നിർത്തലാക്കിയ മതന്യൂനപക്ഷ വിഭാഗത്തിൽപ്പെട്ട വിദ്യാർഥികൾക്കായുള്ള മൗലാനാ ആസാദ് നാഷണൽ ഫെല്ലോഷിപ് (എം.എ.എൻ.എഫ്) പുനഃസ്ഥാപിക്കില്ലെന്ന് കേന്ദ്രസർക്കാർ. ലോക്‌സഭയിൽ കോൺഗ്രസ് അംഗങ്ങളായ കെ. മുരളീധരൻ എം.പിയുടെയും ടി.എൻ പ്രതാപൻ എം.പിയുടെയും ചോദ്യങ്ങൾക്ക് ന്യൂനപക്ഷമന്ത്രാലത്തിന്റെ ചുമതലയുള്ള സ്മൃതി ഇറാനിയാണ് ഈ മറുപടി നൽകിയത്. മറ്റു മന്ത്രാലയങ്ങൾ നൽകുന്ന ഫെല്ലോഷിപ്പുകൾ മൗലാനാ ആസാദ് നാഷണൽ ഫെല്ലോഷിപ്പിനു സമാന്തരമായി ഉള്ളതിനാലാണ് 2022 മുതൽ ഇത് നിർത്തലാക്കുന്നതെന്നാണ് മന്ത്രിയുടെ വിശദീകരണം.

അതേസമയം, എം.എ.എൻ.എഫ് ലഭിക്കുന്ന ഒരാൾക്ക് ഒരേസമയം മറ്റൊരു ഫെല്ലോഷിപ്പ് സ്വീകരിക്കാൻ കഴിയില്ലെന്ന് മന്ത്രി നൽകിയ രേഖയിൽ തന്നെ സമ്മതിക്കുന്നുമുണ്ട്. അങ്ങനെയെങ്കിൽ ഇത് നിർത്തലാക്കാനുള്ള കേന്ദ്ര സർക്കാരിന്റെ ന്യായീകരണം നിലനിൽക്കുന്നതല്ലെന്ന് ടി.എൻ പ്രതാപൻ ചൂണ്ടിക്കാട്ടി. ഈ വിഷയം പാർലമെന്റിലും വിദ്യാഭ്യാസം സംബന്ധിച്ച പാർലമെന്ററി സമിതിയിലും ഉന്നയിക്കുമെന്നും പ്രതാപൻ വ്യക്തമാക്കി.

No proposal to restore MANF, Pre-Matric Scholarship Scheme; Govt tells Lok Sabha


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.