2022 January 26 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

നിപാ മരുന്ന് കൊച്ചിയിലിത്തെിച്ചു; യുവാവിന്റെ ആരോഗ്യനിലയില്‍ പുരോഗതി

കൊച്ചി: നിപാ രോഗത്തിനുള്ള മരുന്ന് ആസ്‌ത്രേലിയയില്‍ നിന്ന് കൊച്ചിയിലിത്തെിച്ചു. ഹ്യൂമന്‍ മോണോക്ലോണല്‍ ആന്റിബോഡിയാണ് ആസ്‌ത്രേലിയയില്‍ നിന്നെത്തിച്ചത്.
നിപാ ബാധയെത്തുടര്‍ന്ന് കൊച്ചിയില്‍ ആശുപത്രിയില്‍ പ്രവേശിപ്പിച്ച യുവാവിന്റെ ആരോഗ്യ നില തൃപ്തികരമായി തുടരുന്നതായി ആശുപത്രി അധികൃതര്‍ അറിയിച്ചു. യുവാവിന്റെ ആരോഗ്യ നില മെച്ചപ്പെട്ടതായും യുവാവ് സംസാരിച്ച് തുടങ്ങിയതായും അവര്‍ അറിയിച്ചു. യുവാവിന്റെ ആരോഗ്യനിലയില്‍ പുരോഗതിയുള്ളതിനാല്‍ ആസ്‌ത്രേലിയയില്‍നിന്നെത്തിച്ച മരുന്ന് ഉപയോഗിക്കാന്‍ സാധ്യതയില്ലെന്നാണ് അറിയുന്നത്. യുവാവിന്റെ കാര്യത്തില്‍ ആശങ്ക വേണ്ടെന്ന് ആരോഗ്യമന്ത്രി കെ.കെ. അറിയിച്ചു.
നിപാ സ്ഥിരീകരിച്ച യുവാവുമായി അടുത്തിടപഴകിയ നാലുപേരെ കളമശ്ശേരി മെഡിക്കല്‍ കോളജില്‍ പ്രവേശിപ്പിച്ചിട്ടുണ്ട്.
വൈറസ് ബാധയുമായി ബന്ധപ്പെട്ട് നാലു ജില്ലകളിലായി 311 പേര്‍ നിരീക്ഷണത്തിലാണ്ു. രോഗബാധയുള്ള യുവാവിനെ പരിചരിച്ച നാലുപേരും ഇതിലുള്‍പ്പെടുന്നു.തൃശൂര്‍, എറണാകുളം, ഇടുക്കി ജില്ലകളിലുള്ളവരാണ് നിരീക്ഷണത്തിലുള്ളത്. ഇവരോട് വീടുകളില്‍ തന്നെ കഴിയാന്‍ നിര്‍ദേശിച്ചിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.