ന്യൂസ് ക്ലിക്ക് എഡിറ്ററേയും എച്ച് ആര്‍ മേധാവിയേയും പൊലിസ് കസ്റ്റഡിയില്‍ വിട്ടു
ന്യൂസ് ക്ലിക്ക് എഡിറ്ററേയും എച്ച് ആര്‍ മേധാവിയേയും പൊലിസ് കസ്റ്റഡിയില്‍ വിട്ടു
ന്യൂഡല്‍ഹി: ഇന്ത്യാവിരുദ്ധ പ്രചാരണത്തിന് ചൈനയുടെ ഫണ്ട് സ്വീകരിച്ചെന്ന് ആരോപിച്ച് അറസ്റ്റിലായ ഓണ്‍ലൈന്‍ മാധ്യമം ‘ന്യൂസ് ക്ലിക്കി’ന്റെ എഡിറ്റര്‍ ഇന്‍ ചീഫ് പ്രബീര്‍ പുരകായസ്ത, ഹ്യൂമന്‍ റിസോഴ്‌സസ് വിഭാഗം മാനേജര്‍ അമിത് ചക്രവര്‍ത്തി എന്നിവരെ കസ്റ്റഡിയില്‍വിട്ടു. ഏഴ് ദിവസത്തേക്കാണ് പൊലിസ് കസ്റ്റഡിയില്‍ വിട്ടത്. ഇന്ന് പുലര്‍ച്ചെയാണ് ഇരുവരെയും മജിസ്‌ട്രേറ്റിന്റെ വസതിയില്‍ ഹാജരാക്കിയത്.
ചൈന അനുകൂല വാര്‍ത്ത നല്‍കാന്‍ അമേരിക്കന്‍ ബിസിനസു കാരന്‍ നെവില്‍ റോയ് സിങ്ങില്‍ പണം വാങ്ങിയെന്ന് ആരോപിച്ച് ഇന്നലെയാണ് ഇരുവരേയും അറസ്റ്റ് ചെയ്തത്. ഭീകരവിരുദ്ധ നിയമമായ യു.എ.പി.എ, ഇന്ത്യന്‍ ശിക്ഷാനിയമം എന്നിവ പ്രകാരം കേസെടുത്ത ഡല്‍ഹി പൊലിസ് ഓണ്‍ലൈന്‍ മാധ്യമമായ ‘ന്യൂസ് ക്ലിക്’ ഓഫിസ് പൂട്ടി മുദ്രവെക്കുകയും ചെയ്തു. ഓഫിസിലും ജീവനക്കാരുടെ വീടുകളിലും റെയ്ഡ് നടത്തുകയും ചെയ്തിരുന്നു.
ന്യൂസ് ക്ലിക്ക് സ്ഥാപകന്‍ പ്രബീര്‍ പുര്‍കയാസ്ഥ അറസ്റ്റില്‍
സ്ഥാപനവുമായി ബന്ധപ്പെട്ട 37 മുതിര്‍ന്ന മാധ്യമപ്രവര്‍ത്തകരുടെ വീടുകളില്‍ അടക്കം 30 കേന്ദ്രങ്ങളിലായിരുന്നു മണിക്കൂറുകള്‍ നീണ്ടു നിന്ന റെയ്ഡ്. ഇതില്‍ ഒമ്പതു പേര്‍ വനിതകളാണ്. മൊബൈല്‍ ഫോണ്‍, ലാപ്‌ടോപ്, മറ്റ് ഇലക്ട്രോണിക് ഉപകരണങ്ങള്‍ എന്നിവ പിടിച്ചെടുത്തു. ഇവരില്‍ പലരെയും കസ്റ്റഡിയിലെടുത്ത് സ്‌പെഷല്‍ സെല്‍ ആസ്ഥാനത്ത് എത്തിച്ച് ചോദ്യം ചെയ്യുകയും ചെയ്തിരുന്നു.
പ്രബീര്‍ പുരകായസ്ത, അമിത് ചക്രവര്‍ത്തി എന്നിവര്‍ക്കു പുറമെ സ്ഥാപനത്തിലെ മുതിര്‍ന്ന മാധ്യമപ്രവര്‍ത്തകരും രാഷ്ട്രീയ നിരീക്ഷകരുമായ ഭാഷ സിങ്, ഊര്‍മിളേഷ്, സുഹൈല്‍ ഹാഷ്മി, സഞ്ജയ് രജൗര, ഗീത ഹരിഹരന്‍, അനുരാധ രാമന്‍, സത്യം തിവാരി, അദിതി നിഗം, സുമേധ പാല്‍, സുബോധ് വര്‍മ, വിഡിയോ ജേണലിസ്റ്റ് അഭിസര്‍ ശര്‍മ, ശാസ്ത്രകാര്യ ലേഖകന്‍ ഡി. രഘുനന്ദന്‍ തുടങ്ങിയവരുടെ വസതികളിലാണ് ചൊവ്വാഴ്ച പുലര്‍ച്ച ഡല്‍ഹി പൊലിസ് സ്‌പെഷല്‍ ടീമില്‍പെട്ടവര്‍ കയറിച്ചെന്നത്.
ഡല്‍ഹിയില്‍ ‘ന്യൂസ് ക്ലിക്ക്’ മാധ്യമപ്രവര്‍ത്തകരുടെ വീടുകളില്‍ റെയ്ഡ്; പോര്‍ട്ടലിനെതിരെ യുഎപിഎ
സി.പി.എം ജനറല്‍ സെക്രട്ടറി സീതാറാം യെച്ചൂരി, മുതിര്‍ന്ന മാധ്യമപ്രവര്‍ത്തകന്‍ പരഞ്‌ജോയ് ഗുഹ ഠാകുര്‍ത്ത എന്നിവരുടെ വസതികളിലും സാമൂഹിക പ്രവര്‍ത്തക ടീസ്റ്റ സെറ്റല്‍വാദിന്റെ മുംബൈയിലെ വസതിയിലും റെയ്ഡ് നടന്നു. എ.കെ.ജി ഭവനിലെ ജീവനക്കാരനായ ശ്രീനാരായണ, മകനും ന്യൂസ് ക്ലിക് പ്രവര്‍ത്തകനുമായ സുമിത് കുമാര്‍ എന്നിവര്‍ താമസിക്കുന്ന സ്ഥലമെന്ന നിലക്കാണ് പൊലിസ് യെച്ചൂരിക്ക് നല്‍കിയിട്ടുള്ള കാനിങ് റോഡിലെ സര്‍ക്കാര്‍ വസതിയില്‍ എത്തിയത്. സുമിത് കുമാറിന്റെ മൊബൈല്‍ ഫോണും ലാപ്‌ടോപ്പും പൊലിസ് കൊണ്ടുപോയി. ടീസ്റ്റ ഡയറക്ടറായ ‘ട്രൈ കോണ്ടിനെന്റല്‍’ എന്ന കേന്ദ്രം ന്യൂസ് ക്ലിക്കിന് ലേഖനങ്ങള്‍ നല്‍കുന്നുവെന്നതായിരുന്നു ടീസ്റ്റയെ നോട്ടമിട്ടതിനു കാരണം.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Related News
Comments are closed for this post.
Latest News
- വിദേശ പഠനം; സുപ്രഭാതം- എറാസ്മസ് മുണ്ടസ് ഓറിയന്റേഷന് വെബിനാര് ഡിസംബര് 6ന്; സൗജന്യമായി പങ്കെടുക്കാം
- മിസോറാമില് ഭരണകക്ഷിക്ക് തിരിച്ചടി; സൊറം പീപ്പിള്സ് മൂവ്മെന്റ് കേവല ഭൂരിപക്ഷത്തിലേക്ക്
- പവന് 47,000 കടന്ന് സ്വര്ണ വില
- എല്.ഡി.സി 2024; ജില്ലകള് തെരഞ്ഞെടുക്കേണ്ടത് എങ്ങനെയെന്നറിയാമോ? അപേക്ഷിക്കുന്നതിന് മുമ്പ് ഇക്കാര്യങ്ങള് ശ്രദ്ധിക്കൂ…
- വ്യാജ തിരിച്ചറിയല് കാര്ഡ്: യൂത്ത് കോണ്ഗ്രസ് നേതാവ് കുറ്റം സമ്മതിച്ചതായി പൊലിസ്
