2024 February 21 Wednesday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

വവ്വാലില്‍ന്ന് കൊറോണ വൈറസ് പടരാമെന്ന് പുതിയ പഠനം

ന്യൂയോര്‍ക്ക്: വവ്വാലുകളില്‍നിന്ന് പുതിയ കൊറോണ വൈറസ് വ്യാപിക്കുമെന്നും ചൈന, ജപ്പാന്‍, ഫിലിപ്പൈന്‍സ്, തായ്‌ലന്റ് എന്നിവിടങ്ങള്‍ ഹോട്ട്‌സ്‌പോട്ട് ആകുമെന്നും പുതിയ പഠനം.

കാലിഫോര്‍ണിയ സര്‍വകലാശാലയിലെ ഗവേഷകരുടെ സംഘമാണ് പഠനം നടത്തിയത്. പഠനത്തില്‍ ന്യൂസിലന്റിലെ മാസി യൂനിവേഴ്‌സിറ്റി, മിലാനിലെ പോളിടെക്‌നിക് യൂനിവേഴ്‌സിറ്റിയും പങ്കെടുത്തു. ജേണല്‍ നാച്വര്‍ ഫുഡിലാണ് പഠന റിപ്പോര്‍ട്ട് പ്രസിദ്ധീകരിച്ചത്.

കാര്‍ഷിക വികസനം, വനനശീകരണം, കേന്ദ്രീകൃത കന്നുകാലി ഉത്പാദനം എന്നിവ വവ്വാലുകളുടെ വ്യാപനത്തിന് കാരണമാകും. ചൈനയില്‍ വവ്വാലുകളില്‍ കൊറോണ വൈറസ് കണ്ടെത്തിയിട്ടുണ്ടെന്നും ഇത് സമീപ രാജ്യങ്ങളിലേക്ക് പടരുമെന്നുമാണ് റിപ്പോര്‍ട്ട്. കുതിരലാട വവ്വാലുകളിലാണ് കൊറോണ വൈറസ് കണ്ടെത്തിയത്. കൊവിഡിന് കാരണമാകുന്ന വൈറസുമായും സാര്‍സുമായും ഇവയ്ക്ക് ജനിതകഘടനാ സാമ്യമുണ്ട്.

   

കൊവിഡിനു കാരണമായ വൈറസ് വവ്വാലുകളില്‍ നിന്ന് മനുഷ്യരിലെത്തിയതാണോ എന്ന് കണ്ടെത്താനായിട്ടില്ലെന്നും വൈറസ് വന്യജീവികളില്‍നിന്ന് മനുഷ്യരിലേക്ക് പകരുമെന്ന് നേരിട്ട് കണ്ടെത്തിയില്ലെന്നും പഠനത്തിന് നേതൃത്വം നല്‍കിയവര്‍ പറഞ്ഞു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.