2024 March 02 Saturday
രാജീവ് ഗാന്ധി വധക്കേസില്‍ ജയില്‍മോചിതനായ ശാന്തന്‍ മരിച്ചു

കേരളത്തിലെ മൂന്ന് എയര്‍പോര്‍ട്ടുകളില്‍ ജോലി ഒഴിവ്; പരീക്ഷയില്ലാതെ ഇന്റര്‍വ്യൂ വഴി നിയമനം; പ്ലസ് ടു യോഗ്യതയുള്ളവര്‍ക്കും അവസരം

കേരളത്തിലെ മൂന്ന് എയര്‍പോര്‍ട്ടുകളില്‍ ജോലി ഒഴിവ്; പരീക്ഷയില്ലാതെ ഇന്റര്‍വ്യൂ വഴി നിയമനം; പ്ലസ് ടു യോഗ്യതയുള്ളവര്‍ക്കും അവസരം

കേരളത്തില്‍ കൊച്ചി, കോഴിക്കോട്, കണ്ണൂര്‍ രാജ്യാന്തര വിമാനത്താവളങ്ങളിലേക്ക് പുതിയ റിക്രൂട്ട്‌മെന്റ്. കസ്റ്റമര്‍ സര്‍വ്വീസ് എക്‌സിക്യൂട്ടീവ്/ ജൂനിയര്‍ കസ്റ്റമര്‍ സര്‍വ്വീസ് എക്‌സിക്യുട്ടീവ് തസ്തികയിലേക്ക് എ.ഐ എയര്‍പോര്‍ട്ട് സര്‍വ്വീസസ് ലിമിറ്റഡ് (AIATSL) ആണ് വിജ്ഞാപനം പുറപ്പെടുവിച്ചിരിക്കുന്നത്. പരീക്ഷയില്ലാതെ നേരിട്ടുള്ള അഭിമുഖങ്ങള്‍ വഴിയാണ് നിയമനം. താല്‍പര്യവും യോഗ്യതയുമുള്ള ഉദ്യോഗാര്‍ഥികള്‍ക്ക് 2023 ഡിസംബര്‍ 18 മുതല്‍ ഷെഡ്യൂള്‍ ചെയ്ത വാക്-ഇന്‍-ഇന്റര്‍വ്യൂവില്‍ പങ്കെടുക്കാം.

തസ്തിക& ഒഴിവ്
എയര്‍പോര്‍ട്ടില്‍ കസ്റ്റമര്‍ സര്‍വ്വീസ് എക്‌സിക്യൂട്ടീവ്/ ജൂനിയര്‍ കസ്റ്റമര്‍ സര്‍വ്വീസ് എക്‌സിക്യൂട്ടീവ് തസ്തികയില്‍ നിലവില്‍ 128 ഒഴിവുകളാണ് റിപ്പോര്‍ട്ട് ചെയ്തിരിക്കുന്നത്. കൊച്ചിയില്‍ 47 ഒഴിവ്, കോഴിക്കോട് 31 ഒഴിവ്, കണ്ണൂര്‍ 50 ഒഴിവ് എന്നിങ്ങനെയാണ് നിയമനം.

വിദ്യാഭ്യാസ യോഗ്യത
കസ്റ്റമര്‍ സര്‍വ്വീസ് എക്‌സിക്യൂട്ടീവ്

അംഗീകൃത സര്‍വ്വകലാശാല ബിരുദമുളളവര്‍ക്ക് അപേക്ഷിക്കാം.
* എയര്‍ലൈന്‍/ ജി.എച്ച.എ/ കാര്‍ഗോ/ എയര്‍ലൈന്‍ ടിക്കറ്റിങ് എക്‌സ്പീരിയന്‍സ് ഉള്ളവര്‍ക്ക് മുന്‍ഗണന ലഭിക്കും.

  • കൂടാതെ എയര്‍ലൈന്‍ ഡിപ്ലോമ, IATA-UFTAA/ IATA-FIATA or IATA-DGR or IATA CARGO ഇവയിലേതെങ്കിലും യോഗ്യതയുള്ളവര്‍ക്കും മുന്‍ഗണന ലഭിക്കും.
  • കമ്പ്യൂട്ടര്‍ പരിജ്ഞാനം ഉണ്ടായിരിക്കണം. ഇംഗ്ലീഷ്, ഹിന്ദി ഭാഷയിലും പരിജ്ഞാനം ഉണ്ടായിരിക്കണം.

ജൂനിയര്‍ കസ്റ്റമര്‍ സര്‍വ്വീസ് എക്‌സിക്യൂട്ടീവ്

  • അംഗീകൃത ബോര്‍ഡിന് കീഴില്‍ പ്ലസ് ടു ഉള്ളവര്‍ക്ക് അപേക്ഷിക്കാം.
  • എയര്‍ലൈന്‍/ ജി.എച്ച്.എ/ കാര്‍ഗോ/ എയര്‍ലൈന്‍ ടിക്കറ്റിങ് എക്‌സ്പീരിയന്‍സ് ഉള്ളവര്‍ക്ക് മുന്‍ഗണന ലഭിക്കും.
  • കൂടാതെ എയര്‍ലൈന്‍ ഡിപ്ലോമ, IATA-UFTAA/ IATA-FIATA or IATA-DGR or IATA, CARGO ഇവയിലേതെങ്കിലും യോഗ്യതയുള്ളവര്‍ക്കും മുന്‍ഗണന ലഭിക്കും.
  • കമ്പ്യൂട്ടര്‍ പരിജ്ഞാനം ഉണ്ടായിരിക്കണം. ഇംഗ്ലീഷ്, ഹിന്ദി ഭാഷയിലും പരിജ്ഞാനം ഉണ്ടായിരിക്കണം.

ശമ്പളം
കസ്റ്റമര്‍ സര്‍വ്വീസ് എക്‌സിക്യൂട്ടീവ് തസ്തികയില്‍ 23,640 രൂപ ശമ്പളമായി ലഭിക്കും.

ജൂനിയര്‍ കസ്റ്റമര്‍ സര്‍വ്വീസ് എക്‌സിക്യൂട്ടീവ് തസ്തികയില്‍ 20,130 രൂപ ശമ്പളമായ ലഭിക്കും.

പ്രായപരിധി
രണ്ട് തസ്തികയിലും ജനറല്‍ വിഭാഗക്കാര്‍ക്ക് 28 വയസ്സാണ് പ്രായപരിധി. സംവരണ വിഭാഗക്കാര്‍ക്ക് നിയമാനുസൃതമായ വയസ്സിളവ് ഉണ്ടായിരിക്കും.

അപേക്ഷ
താല്‍പര്യമുള്ള ഉദ്യോഗാര്‍ഥികള്‍ ഔദ്യോഗിക വിജ്ഞാപനത്തില്‍ പ്രതിപാദിച്ചിരിക്കുന്ന സര്‍ട്ടിഫിക്കറ്റുകള്‍ സഹിതം നേരിട്ട് അഭിമുഖങ്ങള്‍ക്ക് എത്തണം. കൊച്ചിയിലേക്കുള്ള അഭിമുഖങ്ങള്‍ ഡിസംബര്‍ 18നും, കോഴിക്കോട് വിമാനത്താവളത്തിലേക്കുള്ള അഭിമുഖം ഡിസംബര്‍ 20നും, കണ്ണൂരേക്കുള്ള അഭിമുഖങ്ങള്‍ ഡിസംബര്‍ 22നും നടക്കും.

ഇന്‍ര്‍വ്യൂ വെന്യൂ

ശ്രീ ജഗന്നാഥ ഓഡിറ്റോറിയം, വേങ്ങൂര്‍ ദുര്‍ഗാ ദേവി ക്ഷേത്രത്തിന് സമീപം, വേങ്ങൂര്‍, അംഗമാലി, എറണാകുളം, കേരള, PIN: 683 572

റിക്രൂട്ട്‌മെന്റ് സംബന്ധിച്ച ഔദ്യോഗിക വിജ്ഞാപനം ലഭിക്കുന്നതിനായി click hear.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.