2020 October 22 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സംസ്ഥാനത്ത് ശനിയാഴ്ച മുതല്‍ ആള്‍ക്കൂട്ട വിലക്ക്; 5 പേരില്‍ കൂടുതല്‍ പാടില്ല

  • കല്യാണ, മരണാനന്തര ചടങ്ങുകള്‍ക്ക് നിലവിലെ സ്ഥിതി തുടരും
  • ആവശ്യമെങ്കില്‍ കലക്ടര്‍മാര്‍ക്ക് 144 പ്രഖ്യാപിക്കാം

 

തിരുവനന്തപുരം: കൊവിഡ് വ്യാപിക്കുന്ന പശ്ചാത്തലത്തില്‍ സംസ്ഥാനത്ത് കടുത്ത നിയന്ത്രണം ഏര്‍പ്പെടുത്തി സര്‍ക്കാര്‍ ഉത്തരവ്. ശനിയാഴ്ച രാവിലെ 9 മണി മുതല്‍ ഒരു മാസത്തേക്ക് നിരോധനാജ്ഞയ്ക്ക് സമാനമായ നിയന്ത്രണം ഏര്‍പ്പെടുത്തും.

അഞ്ചു പേരില്‍ കൂടുതല്‍ ഒരുമിച്ച് കൂടാന്‍ പാടില്ല. ആള്‍ക്കൂട്ടമുണ്ടായാല്‍ ക്രമിനല്‍ ചട്ടപ്രകാരം കേസെടുക്കും. ജില്ലാ കലക്ടര്‍മാര്‍ക്കായിരിക്കും നിയന്ത്രണ ചുമതലയെന്നും ഉത്തരവില്‍ പറയുന്നു.

മരണ, വിവാഹ ചടങ്ങുകള്‍ക്ക് നിലവിലുള്ള ഇളവുകള്‍ തുടരുമെന്നും സംസ്ഥാന സര്‍ക്കാര്‍ പുറത്തിറക്കിയ ഉത്തരവില്‍ പറയുന്നു.

തീവ്രരോഗബാധിത മേഖലകളില്‍ കര്‍ശന നിയന്ത്രണങ്ങള്‍ ഏര്‍പ്പെടുത്തണം. ആവശ്യമെങ്കില്‍ 144 ഉള്‍പ്പെടെ പ്രഖ്യാപിക്കാം. വിവാഹം, മരണം ചടങ്ങുകളില്‍ ഒഴികെ ഒരു കാരണവശാലും ആളുകള്‍ കൂട്ടംകൂടരുതെന്നും ചീഫ് സെക്രട്ടറി പുറത്തിറക്കിയ ഉത്തരവില്‍ പറയുന്നു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.