2022 January 26 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സഊദിയിലെ പ്രമുഖ ബാങ്കായ എൻസിബി, സാംബ ബാങ്കുകൾ ലയിച്ചു

അറബ് ലോകത്തെ മൂന്നാമത്തെ വലിയ ബാങ്ക് എന്ന ഖ്യാതിയുമായി എൻസിബി

     റിയാദ്: സഊദി അറേബ്യയിലെ പ്രമുഖ ബാങ്കുകളായ നാഷനൽ കമേഴ്‌സ്യൽ ബാങ്കും (എൻ.സി.‌ബി) സാംബ ഫിനാൻഷ്യൽ ഗ്രൂപ്പും (സാംബ) ലയിച്ചു. 837 ശതകോടി റിയാൽ (223 ശതകോടി ഡോളർ) ആസ്തികളുമായി സംയോജിത കരാറിൽ ഇരുകമ്പനി മേധാവികളും ഒപ്പുവെച്ചതോടെ അറബ് ലോകത്തെ മൂന്നാമത്തെ വലിയ ബാങ്കായി ഇത് മാറി. ഇതു സംബന്ധിച്ച കരാറില്‍ ഞായറാഴ്ച ബാങ്കുകളുടെ തലവന്മാര്‍ ഒപ്പുവച്ചു. ഇതോടെ അറബ് ലോകത്തെ മൂന്നാമത്തെ വലിയ ബാങ്കിങ് സ്ഥാപനമായി മാറുന്നതോടൊപ്പം അറ്റാദായത്തിെൻറ കാര്യത്തിൽ ഒന്നാം സ്ഥാനത്തെത്തുകയും ചെയ്യും.

     നിലവിൽ രാജ്യത്തെ ഏറ്റവും പഴക്കം ചെന്ന ബാങ്കാണ് നാഷണല്‍ കൊമേഴ്സ്യല്‍ ബാങ്ക് എന്നറിയപ്പെടുന്ന എൻസിബി. ജീവനക്കാരുടെ എണ്ണം കുറയ്ക്കില്ലെന്നും ഉപയോക്താക്കള്‍ക്ക് കൂടുതല്‍ സര്‍വീസ് ലഭിക്കുമെന്നും ബാങ്കുകള്‍ അറിയിച്ചു. എന്‍സിബി ചെയര്‍മാന്‍ സയീദ് മുഹമ്മദ് അല്‍ ഗാംദിയാണ് ബാങ്കുകളുടെ മാനേജിംഗ് ഡയറക്ടറും ഗ്രൂപ്പ് ചീഫ് എക്‌സിക്യൂട്ടീവ് ഓഫീസറും. സാംബയുടെ ചെയര്‍മാന്‍ അമര്‍ അല്‍ഖുഡൈരി സംയുക്ത ബാങ്കുകളുടെ ചെയര്‍മാനായി തുടരും.

     സഊദി ഗവണ്‍മെന്റിന്റെ ധനകാര്യ സ്ഥാപനങ്ങളുടെ വികസനത്തിനുവേണ്ടിയുള്ള വിഷന്‍ 2030 പദ്ധതിയുടെ ഭാഗമായാണ് ലയനം. കഴിഞ്ഞ 12 മാസത്തിനിടയിലെ രണ്ടാമത്തെ വലിയ ലയനമാണിത്. ലയനം പൂർത്തിയാകുമ്പോൾ സാംബയുടെ ഓഹരികൾ മുഴുവൻ എൻ‌.സി.‌ബിക്ക് കൈമാറ്റം ചെയ്യുകയും പുതുതായി നിരവധി ഷെയറുകൾ‌ നൽ‌കുകയും ചെയ്യും. വ്യാഴാഴ്ച ക്ലോസ് ഷെയർ മാർക്കറ്റ് മൂല്യം അടിസ്ഥാനമാക്കി
ഓരോ സാംബ ഷെയറിനും എൻ‌സി‌ബി 28.45 റിയാൽ‌ (7.58 ഡോളർ) നൽകും. 55.7 ബില്യൺ റിയാലാണ് വിലമതിക്കുന്നത്. രണ്ട് ബാങ്കുകളിലെയും ഏറ്റവും വലിയ ഒറ്റ ഓഹരിയുടമയായ രാജ്യത്തിന്റെ പരമാധികാര സ്വത്ത് ഫണ്ടിന് സംയോജിത സ്ഥാപനത്തിലെ ഏറ്റവും വലിയ ഓഹരി 37.2% ആയിരിക്കും.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.