2024 March 02 Saturday
രാജീവ് ഗാന്ധി വധക്കേസില്‍ ജയില്‍മോചിതനായ ശാന്തന്‍ മരിച്ചു

കൈക്കൂലി, അഴിമതി; സഊദിയിൽ വീണ്ടും കൂട്ട അറസ്‌റ്റ്

റിയാദ്: വിവിധ അഴിമതിക്കേസുകളിൽ സഊദിയിൽ വീണ്ടും കൂട്ട അറസ്റ്റ്. വിവിധ കേസുകളിലായി നിരവധി ഉദ്യോഗസ്ഥരാണ് സഊദി അഴിമതി വിരുദ്ധ സമിതി (നസാഹ) യുടെ നേതൃത്വത്തിൽ അറസ്റ്റിയായത്. ഗവണ്മെന്റ്, അർദ്ധ ഗവണ്മെന്റ്, സ്വകാര്യ സ്ഥാപന ഉദ്യോഗസ്ഥരാണ് പിടിയിലായതിൽ ഭൂരിഭാഗവും. ഇവരിൽ നിന്നും പണവും കണ്ടെടുത്തിട്ടുണ്ട്. മുനിസിപ്പാലിറ്റിക്ക് കീഴിൽ പ്രത്യേക കമ്പനിക്ക് പ്രോജക്ട് ലഭ്യമാക്കുന്നതിന് പണം വാങ്ങിയ കേസിൽ മുനിസിപ്പാലിറ്റിയിലെ രണ്ടു ഉദ്യോഗസ്ഥരും പണം കൈമാറാൻ കൂട്ട നിന്ന ഒരു ബാങ്ക് ഉദ്യോഗസ്ഥനും പിടിയിലായി. മറ്റൊരു കേസിൽ സർവ്വകലാശാലയിലെ മെയിന്റനൻസ് ആൻഡ് ഓപ്പറെഷൻ വകുപ്പ് ഡയറക്ടർ, മെക്കാനിക്കൽ സിസ്റ്റം വകുപ്പ് ഡയറക്ടർ, വെയർ ഹൗസ് കീപ്പർ എന്നീ മൂന്ന് ഉദ്യോഗസ്ഥരാണ് അറസ്റ്റിലായത്. ഇവരോടൊപ്പം ഒരു ബാങ്ക് ബ്രാഞ്ച് മാനേജരും ബിസിനസുകാരനും അറസ്റ്റിലായിട്ടുണ്ട്, മില്യൺ കണക്കിനുള്ള യൂണിവേഴ്‌സിറ്റി തൊഴിൽ കരാറുകൾ ലഭിക്കുന്നതിനായി കൈക്കൂലി നൽകിയ കേസുകളിലാണ് ഇവർ പിടിയിലായത്.

മറ്റൊരു കേസിൽ ഒരു സർവ്വകലാശാല മുൻ ഉദ്യോഗസ്ഥനും ബിസിനസസുകാരനും ഒരു എഞ്ചിനീയറും അറസ്റ്റിലായി. സഊദി സിവിൽ ഏവിയേഷൻ അതോറിറ്റിക്കു കീഴിൽ അന്ത്രാഷ്‍ട്ര വിമാനത്താവള മുൻ ഉദ്യോഗസ്ഥൻ ബിസിനസുകാരനും പ്രൊക്യോയർമെൻറ് വിഭാഗം മുൻ ഉദ്യോഗസ്ഥൻ, ബിസിനസുകാരൻ എന്നിവർ അറസ്റ്റിലായതാണ് മറ്റൊരു കേസ്. വ്യവസായ നഗരങ്ങൾക്കും സാങ്കേതിക മേഖലകൾക്കുമായുള്ള സഊദി അതോറിറ്റി മുൻ ഉദ്യോഗസ്ഥൻ, ജനറൽ അതോറിറ്റി ഓഫ് കസ്റ്റംസിലെ ജീവനക്കാരനും കസ്റ്റംസ് ബ്രോക്കറായി പ്രവർത്തിക്കുന്ന ജീവനക്കാരൻ, ജനറൽ ഡയറക്ടറേറ്റ് ഓഫ് ട്രാഫിക്കിൽ ജോലി ചെയ്യുന്ന നാല് നോൺ-കമ്മീഷൻഡ് ഓഫീസർമാർ, പോലീസ് വകുപ്പിൽ നിന്ന് വിരമിച്ച നോൺ-കമ്മീഷൻഡ് ഓഫീസർ, അറസ്റ്റ് ഒഴിവാക്കുന്നതിനായി നാർക്കോട്ടിക് സെല്ലിന് പണം വാഗ്ദാനം ചെയ്‌ത സഊദി പൗരൻ, രാജ്യത്തേക്കുള്ള പ്രവേശന രജിസ്റ്ററിൽ ബന്ധുവിന് വേണ്ടി തിരുത്തൽ നടത്തിയ കേസിൽ കേണൽ റാങ്കുള്ള ഉദ്യോഗസ്ഥൻ, പാസ്‌പോർട്ട് ജനറൽ ഡയറക്ടറേറ്റിൽ നിന്ന് കമ്മീഷൻ ചെയ്യാത്ത ഉദ്യോഗസ്ഥൻ തുടങ്ങിയവരാണ് അറസ്റ്റിലായത്. ഇതിൽ പല കേസുകളിലും ബിസിനസുകാരും അറസ്റ്റിലായിട്ടുണ്ട്. പദ്ധതികൾ ലഭിക്കുന്നതിനായി ഉദ്യോഗസ്ഥരെ വശീകരിക്കുകായും പണം നൽകുകയും ചെയ്തതിനെ തുടർന്നാണ് ബിസിനസുകാരും അറസ്റ്റിലായത്.

വ്യക്തിപരമായ നേട്ടം കൈവരിക്കുന്നതിനോ പൊതുതാൽ‌പര്യത്തെ ദോഷകരമായി ബാധിക്കുന്നതോ പൊതു ഓഫീസിനെ ചൂഷണം ചെയ്യുന്ന ആരെയും വെറുതെ വിടുകയില്ലെന്നും ഇവരെ പിടികൂടുമെന്നും സാമ്പത്തിക, ഭരണപരമായ അഴിമതി കുറ്റകൃത്യങ്ങൾക്കെതിരെ കർശനമായ നടപടികൾ തുടരുമെന്നും അഴിമതി വിരുദ്ധ സമിതി നാസാഹ വ്യക്തമാക്കി.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.