2023 June 05 Monday
പോരാട്ടങ്ങളും യാതനകളും മനുഷ്യനെ പൂര്‍ണതയിലെത്തിക്കുന്നു. ഇന്ദിരാഗാന്ധി

ജമ്മു കശ്മീരില്‍ എട്ടു മണിക്കൂറിനിടെ രണ്ട് ഉഗ്ര സ്‌ഫോടനങ്ങള്‍; സ്‌ഫോടനം നിര്‍ത്തിയിട്ട ബസുകളില്‍, രണ്ടുപേര്‍ക്ക് പരുക്ക്

ഉദ്ദംപൂര്‍: ജമ്മു കശ്മീരിലെ ഉദ്ദംപൂരില്‍ എട്ടു മണിക്കൂറിനിടെ രണ്ട് ഉഗ്ര സ്‌ഫോടനങ്ങള്‍. ആഭ്യനന്തരമന്ത്രി അമിത് ഷായുടെ ത്രിദിന സന്ദര്‍ശനത്തിന് ദിവസങ്ങള്‍ ബാക്കിനില്‍ക്കേയാണ് സ്‌ഫോടനം.

ബുധനാഴ്ച രാത്രിയും വ്യാഴാഴ്ച പുലര്‍ച്ചെയുമാണ് സ്‌ഫോടനങ്ങളുണ്ടായത്. ബുധനാഴ്ച രാത്രി 10.45ഓടെ ദൊമെയില്‍ ചൗക്കിലെ പെട്രോള്‍ പമ്പിന് സമീപമാണ് ആദ്യ സ്‌ഫോടനമുണ്ടായത്.

സ്‌ഫോടനത്തില്‍ രണ്ട് പേര്‍ക്ക് പരിക്കേറ്റിരുന്നു. ബസിന് സമീപം നിര്‍ത്തിയിട്ട വാഹനകള്‍ക്കും കോടുപാടുകള്‍ പറ്റിയിട്ടുണ്ട്. പരിക്കേറ്റവരെ ഉദ്ദംപൂര്‍ ജില്ലാ ആശുപത്രിയില്‍ പ്രവേശിപ്പിച്ചതായി പൊലീസ് അറിയിച്ചു.

ഉദ്ദംപൂര്‍ ബസ് സ്റ്റാന്‍ഡില്‍ നിര്‍ത്തിയിട്ട ബസിലാണ് രണ്ടാമത്തെ സ്‌ഫോടനമുണ്ടായത്. വ്യാഴാഴ്ച പുലര്‍ച്ചെയോടെയായിരുന്നു അത്. രണ്ടാമത്തെ സ്‌ഫോടനത്തില്‍ ആര്‍ക്കും പരുക്കേറ്റിട്ടില്ല.
ഈ വര്‍ഷം മാര്‍ച്ച് ഒമ്പതിന് ഉദ്ദംപൂരിലുണ്ടായ സ്‌ഫോടനത്തില്‍ ഒരാള്‍ കൊല്ലപ്പെടുകയും 17 പേര്‍ക്ക് പരുക്കേല്‍ക്കുകയും ചെയ്തിരുന്നു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.