ബീഹാര്‍; ബീഹാറിലെ സാഹബ്പൂര്‍ കമല്‍സ്റ്റേഷന് സമീപമാണ് സാഹസികമായെരു മോഷണശ്രമം അതിലും മികച്ച രീതിയില്‍ പാളിപ്പോയത്. ഓടിക്കൊണ്ടിരിക്കുന്ന ട്രെയിനിന്റെ ജനലിലൂടെ തൂങ്ങിക്കിടന്ന് സൈഡിലിരിക്കുന്ന യാത്രക്കാരന്റെ മൊബൈല്‍ ഫോണ്‍ തട്ടിയെടുക്കാനാണ് മോഷ്ടാവ് ശ്രമിച്ചത്. എന്നാല്‍ അപ്രതീക്ഷിതമായ തിരിച്ചടിയാണ് മോഷ്ടാവിനെ കാത്തിരുന്നത്. മൊബൈല്‍ഫോണ്‍ തട്ടിയെടുക്കാന്‍ ശ്രമിച്ച മോഷ്ട്ടാവിന്റെ കൈയ്യില്‍ യാത്രക്കാരന്‍ കയറിപ്പിടിച്ചു.

രക്ഷപെടാനുള്ള ശ്രമത്തില്‍ ഉയര്‍ത്തിയ അടുത്ത കൈയ്യില്‍ മറ്റൊരു യാത്രക്കാരനും പിടിമുറുക്കിയതോടെ മോഷ്ടാവിന് ഒന്നും ചെയ്യാന്‍ കഴിയാത്ത അവസ്ഥയായി. ഏകദേശം പത്തുകിലോമീറ്ററോളം ദൂരം ഇയാള്‍ ഓടുന്ന ട്രെയിനില്‍ തൂങ്ങിക്കിടന്ന് യാത്രചെയ്തു. പണിപാളിയെന്ന് തിരിച്ചറിവില്‍ മോഷ്ടാവ് മാപ്പുപറച്ചിലും നിലവിളിയും തുടങ്ങിയതോടെ യാത്രക്കാര്‍ കൈ വിട്ടു. കുറ്റിക്കാടിന്റെ ഭാഗത്തായി വീണ ഇയാള്‍ രക്ഷപെട്ടോടുകയായിരുന്നു. പൊലിസിനും ഇയാളെ കണ്ടെത്താന്‍ കഴിഞ്ഞില്ല.

സാഹബ്പൂര്‍ കമല്‍ സ്റ്റേഷന്‍ പരിസരത്ത് ഇത്തരത്തിലുള്ള മോഷണശ്രമങ്ങള്‍ സ്ഥിരമാണെന്നാണ് യാത്രക്കാര്‍ പറയുന്നത്.

Bad day for this thief.
He was trying to snatch mobile but caught in the hands of The Family man 🤣😂 in Samastipur-Katihar Passenger Train
Later he was handed over to Police#Begusarai #Bihar #ViralVideo pic.twitter.com/myS1CY7tXK

— Dhiren Patel (@DhirenP66827872) September 15, 2022