2022 July 06 Wednesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

രാജ്യത്ത് ഒമിക്രോണ്‍ കേസുകള്‍ 653 ആയി; 6358 പേര്‍ക്ക് കൊവിഡ്

ന്യൂഡല്‍ഹി: രാജ്യത്ത് 24 മണിക്കൂറിനിടെ 6358 കോവിഡ് കേസുകള്‍ റിപ്പോര്‍ട്ട് ചെയ്തതായി കേന്ദ്ര ആരോഗ്യ മന്ത്രാലയം. ഇതോടെ രാജ്യത്തെ ആക്ടിവ് കേസുകളുടെ എണ്ണം 75,456 ആയി. അതേസമയം, രാജ്യത്തെ ഒമിക്രോണ്‍ രോഗബാധിതരുടെ എണ്ണം 653 ആയി. 186 പേര്‍ രോഗമുക്തി നേടിയതായും ആരോഗ്യ മന്ത്രാലയം അറിയിച്ചു.

ഏറ്റവും കൂടുതല്‍ ഒമിക്രോമണ്‍ ബാധിതരുള്ളത് മഹാരാഷ്ട്രയിലാണ്. 167 കേസുകളാണ് നിലവില്‍ സംസ്ഥാനത്തുള്ളത്. ഒമിക്രോണ്‍ വ്യാപനം കണക്കിലെടുത്ത് സംസ്ഥാനത്ത് രാത്രി ഒമ്പത് മുതല്‍ രാവിലെ ആറ് വരെ കര്‍ഫ്യൂ പ്രഖ്യാപിച്ചിട്ടുണ്ട്. ജിം, സിനിമാശാലകള്‍, ഹോട്ടല്‍ എന്നിവയുള്‍പ്പെടെ പൊതുയിടങ്ങളില്‍ 50 ശതമാനം പേര്‍ക്ക് മാത്രമാണ് പ്രവേശനം.

കഴിഞ്ഞദിവസം 331 പുതിയ കോവിഡ് കേസുകള്‍ ഡല്‍ഹിയില്‍ സ്ഥിരീകരിച്ചതോടെ തലസ്ഥാനത്തെ സജീവമായ കേസുകളുടെ എണ്ണം 1289 ആയി. ജൂണിന് ശേഷം റിപ്പോര്‍ട്ട് ചെയ്യപ്പെടുന്ന ഏറ്റവും ഉയര്‍ന്ന പ്രതിദിന കണക്കാണിത്. 144 പേര്‍ രോഗമുക്തി നേടി. ഡല്‍ഹിയില്‍ ഒമിക്രോണ്‍ കേസുകളുടെ എണ്ണം 165 ആയി.

രോഗ വ്യാപനം രൂക്ഷമാകുന്ന സാഹചര്യത്തില്‍ സര്‍ക്കാര്‍ തലസ്ഥാനത്ത് രാത്രി കര്‍ഫ്യൂ പ്രഖ്യാപിച്ചു. കേരളം 57, ഗുജറാത്ത് 49, രാജസ്ഥാന്‍ 43 എന്നിങ്ങനെയാണ് മറ്റു സംസ്ഥാനങ്ങളില്‍ സ്ഥിരീകരിച്ച ഒമിക്രോണ്‍ കേസുകള്‍.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.