ന്യൂഡല്‍ഹി: പാര്‍ലമെന്റ് ബജറ്റ് സമ്മേളനം ഇന്നാരംഭിക്കും. രാഷ്ട്രപതി ദ്രൗപതി മുര്‍മു നയപ്രഖ്യാപന പ്രസംഗം നടത്തും. നാളെയാണ് പൊതുബജറ്റ് രാഷ്ട്രപതി പദവിയിലെത്തിയ ശേഷം ദ്രൗപതി മുര്‍മു ആദ്യമായി പാര്‌ലമെന്റിന്റിലെ ഇരുസഭകളെയും അഭിസംബോധന ചെയ്യും. രണ്ട് ഘട്ടമായിട്ടാണ് ബജറ്റ് സമ്മേളനം. ആദ്യ ഘട്ടം ഇന്നാരംഭിച്ചു അടുത്ത മാസം 14 ന് അവസാനിക്കും. മാര്‍ച്ച് 14 മുതല്‍ ഏപ്രില്‍ 6 വരെയാണ് രണ്ടാംഘട്ടം സഭ .

ബജറ്റിന് മുന്നോടിയായി ഇന്ന് സാമ്പത്തിക സര്‍വേ പുറത്ത് വിടും. സമ്മേളന കാലയളവില്‍ പാസാക്കാനായി 36 ബില്ലുകളാണ് തയാറാക്കിയിരിക്കുന്നത്.ഈ സര്‍ക്കാറിന്റെ അവസാന സമ്പൂര്‍ണ ബജറ്റാണു നാളെ അവതരിപ്പിക്കുന്നത്

സമ്മേളനം ഫലപ്രദമായി നടക്കാന്‍ പ്രതിപക്ഷത്തിന്റെ സഹായം വേണമെന്ന് സര്‍ക്കാര്‍ ഇന്നലെ ആവശ്യപ്പെട്ടിരുന്നു. വിലക്കയറ്റം , തൊഴിലില്ലായ്മ , ജാതി സെന്‍സസ് ,ന്യൂനപക്ഷങ്ങള്‍ നേരിടുന്ന പീഡനങ്ങള്‍ എന്നിവ ചര്‍ച്ച ചെയ്യണമെന്ന് പ്രതിപക്ഷം ആവശ്യപ്പട്ടു. അദാനിയുടെ ഓഹരി തകര്‍ച്ച പാര്‍ലമെന്റില്‍ ഉന്നയിക്കണമെന്നു തെലങ്കാന എംപി ചന്ദ്രശേഖര റാവു എംപിമാര്‍ക്ക് നിര്‍ദേശം നല്‍കിയിരുന്നു. ഈ വിഷയവും സര്‍വകക്ഷി സമ്മേളനത്തില്‍ ഉന്നയിച്ചു. ൂബി.ബി.സി ഡോക്യുമെന്റിറിയും ചര്‍ച്ചയായേക്കും.