2021 January 20 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഡല്‍ഹിയില്‍ കൊവിഡ് വ്യാപനം വീണ്ടും രൂക്ഷമാവുന്നു; അടിയന്തര യോഗം വിളിച്ച് അമിത് ഷാ

ന്യൂഡല്‍ഹി: ഡല്‍ഹിയില്‍ കൊവിഡ് വ്യാപനം വീണ്ടും രൂക്ഷമാവുന്നു. ഇതേതുടര്‍ന്ന് കേന്ദ്ര ആഭ്യന്തര മന്ത്രി അമിത് ഷാ അടിയന്തര യോഗം വിളിച്ചു. യോഗത്തില്‍ ഡല്‍ഹി മുഖ്യമന്ത്രി അരവിന്ദ് കെജരിവാളും പങ്കെടുത്തേക്കും. ഇന്ന് വൈകീട്ട് അഞ്ചു മണിക്ക് ആഭ്യന്തര മന്ത്രിയുടെ ഓഫിസില്‍ ആയിരിക്കും യോഗം. യോഗത്തില്‍ ഡല്‍ഹി ഗവര്‍ണര്‍ അനില്‍ ബൈജാന്‍, നീതി ആയോഗ് പ്രതിനിധികള്‍ തുടങ്ങിയവരും പങ്കെടുക്കും.

ഡല്‍ഹിയിലെ കൊവിഡ് വ്യാപന സാഹചര്യം വിലയിരുത്താന്‍ അമിത് ഷായും കെജ്‌രിവാളും രണ്ട് തവണ ഇതിനോടകം കൂടിക്കാഴ്ച നടത്തിയിട്ടുണ്ട്.

ആശുപത്രികളിലെ തീവ്രപരിചരണ വിഭാഗങ്ങളില്‍ വേണ്ടത്ര ബെഡുകള്‍ ലഭ്യമല്ലാത്തത് ചര്‍ച്ചയാകും. ആശുപത്രികളില്‍ കൂടുതല്‍ കിടക്കകള്‍ അനുവദിക്കണമെന്നും ചികിത്സ കേന്ദ്രങ്ങള്‍ തുറക്കണമെന്നും ഡല്‍ഹി സര്‍ക്കാര്‍ കഴിഞ്ഞ ദിവസം കത്തിലൂടെ കേന്ദ്രത്തോട് ആവശ്യപ്പെട്ടിരുന്നു.

ആഘോഷ ദിവസങ്ങളോടനുബന്ധിച്ച് നിയന്ത്രണങ്ങള്‍ വ്യാപകമായി ലംഘിക്കപ്പെട്ടിരുന്നു. കൂടാതെ ഡല്‍ഹിയില്‍ വായു മലിനീകരണം രൂക്ഷമായതും വെല്ലുവിളിയായിട്ടുണ്ട്.

മറ്റു സംസ്ഥാനങ്ങളില്‍ നിയന്ത്രണങ്ങള്‍ തുടരുമ്പോള്‍ ഡല്‍ഹി സര്‍ക്കാര്‍ നിയന്ത്രണങ്ങള്‍ ഒഴിവാക്കുകയാണെന്ന വിമര്‍ശനവുമായി ഡല്‍ഹി ഹൈക്കോടതിയും രംഗത്തുവന്നിരുന്നു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.