സിദ്ദി: മധ്യപ്രദേശില്‍ കനാലിലേക്ക് ബസ് മറിഞ്ഞ് 32 മരണം. ഭോപാലില്‍ നിന്ന് 500 കിലോമീറ്റര്‍ അകെല സിദ്ദി ജില്ലയിലാണ് അപകടമുണ്ടായത്. കൂടുതല്‍ പേര്‍ മുങ്ങിയതായാണ് സംശയിക്കുന്നത്. അപകട സമയത്ത് 60 യാത്രക്കാര്‍ ബസിലുണ്ടായിരുന്നതായി റിപ്പോര്‍ട്ടുകള്‍ പറയുന്നു. അപകടത്തില്‍ മരിച്ചവരുടെ ബന്ധുക്കള്‍ക്ക് സര്‍ക്കാര്‍ അഞ്ചു ലക്ഷം രൂപ പ്രഖ്യാപിച്ചിട്ടുണ്ട്.

അപകടത്തെ തുടര്‍ന്ന് സര്‍ക്കാര്‍ നിശ്ചയിച്ചിരുന്ന പരിപാടികള്‍ റദ്ദാക്കിയതായി അധികൃതര്‍ അറിയിച്ചു. അമിത് ഷാ പങ്കെടുക്കേണ്ടിയിരുന്ന ഓണ്‍ലൈന്‍ പരിപാടികളും ഇതില്‍ പെടുന്നു.