2021 December 01 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

നീര്‍വാര്‍ച്ചയുള്ള മണ്ണ്, ഭാഗികമായ തണല്‍ വല്ലപ്പോഴും വളപ്രയോഗം..ഒരു ചെറിയ തണ്ടില്‍ നിന്നുണ്ടാക്കാം വീട്ടിലേക്ക് വേണ്ട പുതിന

കുറേയേറെ വിഭവങ്ങള്‍ക്കൊപ്പം ഭേഷാണ് ഒരു പിടി പുതിനയില. കറികള്‍ക്ക് രുചി കൂട്ടുക എന്നതിനപ്പുറം പുതിനക്ക് ഔഷധ പ്രാധാന്യവുമുണ്ട്. ഉദരസംബന്ധമായ ഏതു രോഗത്തിനും ഇത് നല്ലൊരു ഔഷധമാണ്. പുളിച്ചുതികട്ടല്‍, അസിഡിറ്റി എന്നിവ ഒഴിവാക്കാനും കരള്‍, വൃക്ക, മൂത്രസഞ്ചിയുടെ സുഗമമായ പ്രവര്‍ത്തനം എന്നിവക്കും പുതിന സഹായിക്കുന്നു.

വാങ്ങുന്ന പുതിനയിലയാണെങ്കിലോ വിഷലിപ്തമാണോ എന്നൊരാശങ്കയാണ് നമുക്ക്. മാത്രമല്ല കുറേനാള്‍ സൂക്ഷിക്കാനും പറ്റില്ല. എല്ലാറ്റിനും പരിഹാരമായി പുതിന വീട്ടില്‍ തന്നെ നട്ടാലോ. ഒരു ചെറിയപാത്രം മതി പുതിന നടാന്‍. നാം വലിച്ചെറിയുന്ന പ്ലാസ്റ്റിക് ബോട്ടിലുകള്‍ വരെ നമുക്ക് ഉപയോഗിക്കാം.

എങ്ങിനെ ഒരുക്കാം
കേരളത്തില്‍ എല്ലാ സമയത്തും ചെയ്യാന്‍ പറ്റുന്ന കൃഷിയാണ് പുതിനകൃഷി. നീര്‍വാര്‍ച്ചയും വളക്കൂറുമുള്ള മണ്ണില്‍ പുതിന എളുപ്പം കൃഷി ചെയ്യാം. കാര്യമായ പരിചരണം ആവശ്യമില്ല താനും. തണ്ടുകള്‍ ഉപയോഗിച്ചാണ് ഇവ കൃഷി ചെയ്യേണ്ടത്. കടകളില്‍ നിന്നും വാങ്ങുന്ന പുതിനയുടെ തണ്ടുകള്‍ ബാക്കി വരുന്നത് നട്ടാല്‍ മതി.

ഭാഗികമായി തണലും മിതമായ ജലസേചനവുമാണ് ഈ കൃഷിക്ക് ആവശ്യമായി വേണ്ടത്. ചാണകപ്പൊടി പോലെയുള്ള ജൈവ വളങ്ങള്‍ വല്ലപ്പോഴും ചേര്‍ത്തുകൊടുക്കണം.

ചെറിയ കവറുകള്‍, ഗ്രോ ബാഗുകള്‍, പ്ലാസ്റ്റിക് പാത്രങ്ങളോ എന്തും ഉപയോഗിക്കാം. വെള്ളം വാര്‍ന്നു പോകാനുള്ള സൗകര്യമുണ്ടാവണമെന്നു മാത്രം. മണ്ണും ജൈവ വളങ്ങളും മണ്ണ് നിറക്കുക. അതിലേക്കു പുതിനയുടെ തണ്ടുകള്‍ നടുക. നനക്കുന്നത് കൂടുതലാകരുത്. തണ്ടുകള്‍ ചീഞ്ഞുപോകാന്‍ സാധ്യതയുണ്ട്. ഗ്രോബാഗ് തണലത്തു തന്നെ സൂക്ഷിക്കണം. നാലഞ്ചു ദിവസങ്ങള്‍ കൊണ്ട് പുതിയ ഇലകള്‍ മുളച്ചു തുടങ്ങും.

ചെറിയ കവറുകളില്‍ നട്ട തണ്ടുകള്‍ വളര്‍ന്ന ശേഷം മണ്ണിലേക്കോ ഗ്രോബാഗുകളിലേക്കോ ചട്ടികളിലേക്കോ മാറ്റി നടാവുന്നതാണ്. നല്ലവണ്ണം വെയില്‍ കിട്ടുന്ന സ്ഥലങ്ങള്‍ ഒഴിവാക്കി വീടിന്റെ പാരപ്പറ്റിന് താഴെയോ മരങ്ങള്‍ക്കു താഴെയോ ചെറിയ രീതിയില്‍ സൂര്യ പരകാശം കിട്ടുന്ന സ്ഥലങ്ങളില്‍ വെക്കാവുന്നതാണ്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.