2021 April 16 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

കളമശ്ശേരിയില്‍ ഇബ്രാഹിംകുഞ്ഞിനു പകരം മകന്‍: മുനീര്‍ കൊടുവള്ളിയിലേക്ക്; അന്തിമ പട്ടിക വെള്ളിയാഴ്ച

കോഴിക്കോട്: മുസ്‌ലിം ലീഗ് സ്ഥാനാര്‍ഥിപ്പട്ടികയുടെ സാധ്യതാ ലിസ്റ്റില്‍ കളമശ്ശേരിയില്‍ മുന്‍മന്ത്രി വി.കെ ഇബ്രാഹിംകുഞ്ഞിനു പകരം മകന്‍ സ്ഥാനാര്‍ഥിയായേക്കും. മുസ്ലിം ലീഗ് ജില്ലാ ജനറല്‍ സെക്രട്ടറിയാണ് ഗഫൂര്‍. ടി.എ അഹമ്മദ് കബീറും അഡ്വ. മുഹമ്മദ് ഷായും കളമശ്ശേരിയിലേക്കു പരിഗണിക്കപ്പെടുന്ന പേരുകളാണ്.
വെള്ളിയാഴ്ച പാര്‍ലമെന്ററി ബോര്‍ഡ് യോഗത്തില്‍ അന്തിമ ലിസ്റ്റ് തയ്യാറാകും. പുതുതായി അനുവദിച്ച ബേപ്പൂരും വെച്ചുമാറിയ ചടയമംഗലവും തങ്ങള്‍ക്കു വേണ്ടെന്നാണ് ലീഗിലെ വിലയിരുത്തലുകള്‍. ഈ വിഷയം യു.ഡി.എഫിനെ അറിയിക്കും.

കോഴിക്കോട് സൗത്തില്‍ നിന്നും എം.കെ മുനീര്‍ കൊടുവള്ളിയിലേക്ക് മാറും. കോഴിക്കോട് സൗത്തില്‍ ജില്ലാ പ്രസിഡണ്ട് ഉമര്‍ പാണ്ടികശാലയുടെ പേരാണ് പറഞ്ഞുകേള്‍ക്കുന്നത്. കെഎം ഷാജിയെ കാസര്‍കോട്ടേക്കാണ് പരിഗണിക്കുന്നത്. ഇവിടെ സിറ്റിംഗ് എം.എല്‍.എ എന്‍.എ നെല്ലിക്കുന്നിന് അവസരം കൊടുക്കണമെന്ന അഭിപ്രായവുമുണ്ട്. ചേലക്കരയില്‍ മല്‍സരിക്കുന്ന ജയന്തി രാജന്‍ ആയിരിക്കും പട്ടികയിലെ ഏക വനിത.
മഞ്ചേശ്വത്ത് എകെഎം അഷറഫും കല്ലട മായിന്‍ ഹാജിയും പരിഗണനയിലാണ്. അഴീക്കോട് അഡ്വ. കരിം ചേലേരിയും ഗുരുവായൂരില്‍ സി.എച്ച് റഷീദും മത്സരിച്ചേക്കും. തിരൂരങ്ങാടിയില്‍ പി.എം.എ സലാമിന്റെ പേരാണ് പരിഗണനയിലുള്ളത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.