2022 July 06 Wednesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

സമ്പന്നരുടെ പട്ടിക: ഇന്ത്യയില്‍ ഒന്നാമന്‍ മുകേഷ് അംബാനി, അദാനി പത്താമത്, പതഞ്ജലിക്ക് 19

ഇന്ത്യയിലെ ആദ്യ 20 സമ്പന്നരുടെ പട്ടിക ഫോബ്‌സ് മാസിക പുറത്തുവിട്ടു. റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനിയാണ് ഇന്ത്യയിലെ സമ്പന്നരില്‍ ഒന്നാമന്‍. 38 ബില്യണ്‍ ഡോളറാണ് ആസ്തി.

അസിം പ്രേംജിയാണ് പട്ടികയില്‍ രണ്ടാമതുള്ളത് (19 ബില്യണ്‍ ഡോളര്‍). ഹിന്ദുജ ബ്രദേര്‍സ് മൂന്നാമതും (18.4 ബില്യണ്‍ ഡോളര്‍), ലക്ഷ്മി മിത്തല്‍ നാലാമതും (16.5 ബില്യണ്‍ ഡോളര്‍), പല്ലോഞ്ചി മിസ്ത്രി (16 ബില്യണ്‍ ഡോളര്‍) എന്നിവരാണ് പിന്നാലെയുള്ളത്.

പ്രധാനമന്ത്രി നരേന്ദ്ര മോദിയുടെ ഉറ്റ തോഴനായ ഗൗതം അദാനി പട്ടികയില്‍ 10-ാം സ്ഥാനത്തുണ്ടെന്നതാണ് ശ്രദ്ധേയമായ കാര്യം. പതഞ്ജലി മേധാവി ആചാര്യ ബാലകൃഷ്ണ 19-ാം സ്ഥാനത്തും ഇടംപിടിച്ചിട്ടുണ്ട്. മോദി അധികാരത്തിലേറും മുന്‍പ് പട്ടികയുടെ അടുത്തുപോലും ഇല്ലാതിരുന്നവരാണ് ഇവര്‍ രണ്ടുപേരും.

ഗോദ്‌റെജ് ഫാമിലിയാണ് ആറാം സ്ഥാനത്ത്. ശിവ നഡാര്‍ (7), കുമാര്‍ ബിര്‍ള (8), ദിലീപ് സാംഗ്വി (9) എന്നിവരാണ് പട്ടികയിലെ ആദ്യ പത്തിലെ മറ്റു പേരുകള്‍.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.