മൂന്നു കുട്ടികളെയും ഭര്‍ത്താവിനെയും ഉപേക്ഷിച്ച് ഒളിച്ചോടി; അമ്മയും കാമുകനും വയനാട്ടില്‍ പിടിയില്‍

കല്‍പ്പറ്റ: ഭര്‍ത്താവിനെയും 12 വയസില്‍ താഴെയുള്ള മൂന്ന് കുഞ്ഞുങ്ങളേയും ഉപേക്ഷിച്ച് ഒളിച്ചോടിയ യുവതിയും കാമുകനും വയനാട്ടില്‍ പിടിയില്‍. കൂരാച്ചുണ്ട് സ്വദേശിനിയായ ഇരുപത്തിയേഴുകാരിയായ യുവതിയെയും ഇരുപത്തിയാറുകാരനായ യുവാവിനെയും വയനാട് വൈത്തിരിയില്‍ നിന്നാണ് പിടികൂടിയത്.

കഴിഞ്ഞ നാലിനാണ് യുവതിയെ കാണാതായത്. യുവതിയുടെ ഭര്‍ത്താവ് വിദേശത്താണ്. ഭര്‍ത്താവ് ആവശ്യപ്പെട്ടതുപ്രകാരം ബന്ധുക്കള്‍ പരാതി നല്‍കി. കുട്ടികളെ ഉപേക്ഷിച്ച് കാമുകനൊപ്പം പോയതിന് യുവതിക്കെതിരെയും പ്രേരണാകുറ്റത്തിന് യുവാവിനെതിരെയും കേസെടുത്തിട്ടുണ്ട്. പേരാമ്പ്ര കോടതിയില്‍ ഹാജരാക്കിയ ഇരുവരേയും റിമാന്‍ഡ് ചെയ്തു.