സഊദിയില്‍ ഇനിമുതല്‍ മൊബൈല്‍ ഫോണില്‍ നിങ്ങളെ വിളിക്കുന്നയാളുടെ പേരും മറ്റ് വിവരങ്ങളും സ്‌ക്രീനില്‍ കാണാന്‍ സാധിക്കും. സഊദി കമ്മ്യൂണിക്കേഷന്‍സ്, സ്‌പേസ് ആന്‍ഡ് ടെക്‌നോളജി കമ്മീഷനാണ് ഇത്തരത്തിലൊരു മാറ്റം നടപ്പാക്കാന്‍ ഒരുങ്ങുന്നത്.മൊബൈല്‍ ഫോണ്‍ വഴിയുളള അജ്ഞാത കോളുകളും മറ്റും മൂലമുളള തട്ടിപ്പുകള്‍ തടയുന്നതിന് വേണ്ടിയാണ് രാജ്യം ഇത്തരത്തിലൊരു പരിഷ്‌കാരം നടത്തുന്നത് എന്നാണ് പുറത്ത് വരുന്ന റിപ്പോര്‍ട്ടുകള്‍.

2ജി,3ജി,4ജി,5ജി മുതലായ എല്ലാ മൊബൈല്‍ നെറ്റ് വര്‍ക്കിലും വിളിക്കുന്നയാളുടെ ഡീറ്റെയ്ല്‍സ് തെളിഞ്ഞ് കാണാന്‍ സാധിക്കും. ഇത്തരത്തില്‍ എല്ലാ മൊബൈല്‍ സേവനദാതാക്കളും തങ്ങളുടെ നെറ്റ് വര്‍ക്കില്‍ ഈ ഫീച്ചര്‍ നിര്‍ബന്ധമായും ഉള്‍പ്പെടുത്തേണ്ടതാണ് എന്നാണ് അധികൃതര്‍ ഉത്തരവ് പുറപ്പെടുവിച്ചിരിക്കുന്നത്.കോള്‍ വരുന്ന കക്ഷിയുടെ പേര് ഉള്‍പ്പെടുത്തി വിളിക്കുന്നയാളുടെ ഐഡന്റിറ്റി അറിയാന്‍ പ്രാപ്തമാക്കുന്ന ഒരു അധിക സവിശേഷതയാണിത്. ഫീച്ചര്‍ സജീവമാക്കുന്നത് നിയമപരമായ സ്ഥാപനങ്ങളില്‍ നിന്നുള്ള ഇന്‍കമിങ് കോളുകള്‍ക്ക് മാത്രമായി പരിമിതപ്പെടുത്തിയിരിക്കുന്നു.

Content Highlights:mobile phone callers details will be displayed in saudi arabia