റിയാദ്: സഊദിയിലെ വിവിധ നഗരികളും റിഫൈനറി, വൈദ്യുത, ജല പ്ലാന്റുകൾ ലക്ഷ്യമാക്കിയും മിസൈൽ, ഡ്രോൺ ആക്രമണം. ബാലിസ്റ്റിക് മിസൈലുകളും ഡ്രോണുകളും ഉപയോഗിച്ചാണ് സിവിലിയന്മാരെയും സാമ്പത്തിക, സിവിലിയൻ സൗകര്യങ്ങളെയും ലക്ഷ്യമിട്ട് ഹൂതി ആക്രമണം. ആക്രമണങ്ങളെ ചെറുത്തതായി അറബ് സഖ്യ സേന അറിയിച്ചു.

ജസാനിലെ ഷാക്കിഖ് ജല ശുദ്ധീകരണ പ്ലാന്റ്, അരാംകോ റിഫൈനറി, ദഹ്‌റാൻ അൽ-ജനൂബ് പവർ സ്റ്റേഷൻ എന്നിവ ലക്ഷ്യമിട്ടും ആക്രമണങ്ങൾ നടന്നു. ഖമീസ് മുഷൈത്തിലെ ഗ്യാസ് സ്റ്റേഷനെ തകർക്കാനും ശ്രമം നടന്നു. സിവിലിയൻ വാഹനങ്ങൾക്കും താമസ കേന്ദ്രങ്ങൾക്കും നാശനഷ്ടങ്ങൾ വരുത്തി. ദക്ഷിണ മേഖലയിലേക്ക് വിക്ഷേപിച്ച 4 ഡ്രോണുകൾ തടഞ്ഞ് നശിപ്പിച്ചതായി സംയുക്ത കമാൻഡ് പ്രസ്താവിച്ചു.