മിന: ഹാജിമാര്‍ക്ക് കൈത്താങ്ങായി മിനയില്‍ വിഖായ നടത്തുന്ന സേവനം ആരെയും ആശ്ചര്യപെടുത്തുന്നു. ആദ്യ ഇന്ത്യന്‍ ഹാജി വന്നത് മുതല്‍ സജീവമായിരുന്നു മക്ക വിഖായ ടീം. ഹജ്ജ് കര്‍മങ്ങള്‍ ആരംഭിച്ചു അറഫ ദിനം കഴിഞ്ഞതോടെ മിനയിലേക്ക് സഊദിയുടെ വിവിധ പ്രവിശ്യകളില്‍ നിന്നുള്ള വളണ്ടണ്ടിയര്‍മാരും എത്തുകയായിരുന്നു. മിനയില്‍ ഇന്ത്യന്‍ ഹാജിമാര്‍ക്കും പ്രത്യേകിച്ച് മലയാളി ഹാജിമാര്‍ക്കും താങ്ങും തണലുമായി ആയിരത്തോളം വിഖായ വളണ്ടണ്ടിയര്‍മാരാണ് സേവനത്തിലേര്‍പ്പെട്ടിരിക്കുന്നത്.

വഴിതെറ്റിയതോ ക്ഷീണിതരോ ആയ ഹാജിമാര്‍ക്ക് ദേശമോ ഭാഷയോ വര്‍ണമോ നോക്കാതെ സഹായം നല്‍കുകയാണ് വിഖായ. വിഖായയെ കൂടാതെ വിവിധ രാഷ്ട്രീയ പാര്‍ട്ടികളുടെയും സാമൂഹ്യ സംഘടനകളുടെയും നേതൃത്വത്തിലും ഹജ്ജ് സേവനം നടക്കുന്നുണ്ട്. വെള്ളിയാഴ്ച അവസാന ഹാജിയും മിന വിട്ടു പോകുന്നത് വരെ ഇവരുടെ സേവനം ലഭ്യമാകും.