2021 September 20 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

മെമ്മറി കാര്‍ഡ് കണ്ടെത്താനായില്ല, അമ്മ ദേഷ്യം തീര്‍ത്തത് മകനുനേരെ വെടിയുതിര്‍ത്ത് 

പി.പി ചെറിയാന്‍

ചിക്കാഗോ : വീട്ടില്‍ സൂക്ഷിച്ചിരുന്ന മെമ്മറി കാര്‍ഡ് കാണാന്‍ കഴിയാത്തതിനെ തുടര്‍ന്ന് പ്രകോപിതയായ മാതാവ് ദേഷ്യം തീര്‍ത്തത് 12 വയസുകാരനായ മകന്റെ ശരീരത്തിലേക്ക് വെടിയുണ്ടയുതിര്‍ത്ത്. തലക്കും ശരീരത്തിലും വെടിയേറ്റ പന്ത്രണ്ടു വയസുകാരന്‍ സംഭവസ്ഥലത്ത് വച്ച് തന്നെ മരിച്ചു. കാദെന്‍ ഇന്‍ഗ്രാമാണ് (12) കൊല്ലപ്പെട്ടത് .

ശനിയാഴ്ച സൗത്ത് ചിക്കാഗോയിലെ വീട്ടില്‍ വച്ചായിരുന്നു സംഭവം . വീട്ടില്‍ സൂക്ഷിച്ചിരുന്ന മെമ്മറി കാര്‍ഡ് എവിടെ വച്ചു എന്ന് ചോദിച്ചതായിരുന്നു സംഭവത്തിന്റെ തുടക്കം. കാര്‍ഡ് എടുത്തിട്ടില്ലെന്ന്12 വയസ്സുകാരനായ മകന്‍ അമ്മയോട് പറഞ്ഞെങ്കിലും കോപം അടക്കാനാകാതെ സില്‍വര്‍ റിവോള്‍വര്‍ എടുത്ത് കുട്ടിയുടെ തലക്ക് നേരെ വെടിവച്ചു .

ആദ്യ വെടിയുണ്ട കുട്ടിയെ കാര്യമായി പരിക്കേല്‍പ്പിച്ചില്ല തുടര്‍ന്ന് കുട്ടി കരയുന്നതും നിലത്ത് വീഴുന്നതും ക്യാമറയില്‍ കണ്ടെത്തിയിരുന്നു. പിന്നീട് 37 വയസ്സുള്ള മാതാവ് ഫോണില്‍ ആരുമായോ ബന്ധപ്പെട്ടു തിരിച്ചു വന്ന് കുട്ടിയോട് വീണ്ടും മെമ്മറി കാര്‍ഡിനെക്കുറിച്ച് ചോദിച്ചു വീണ്ടും കുട്ടി മാതാവിനോട് ഞാന്‍ അത് കണ്ടിട്ടില്ല എന്ന പറയുന്നതും, മാതാവ് വീണ്ടും കുട്ടിയുടെ തലക്ക് നേരെ വെടിയുതിര്‍ക്കുന്നതും ക്യാമറയില്‍ കണ്ടെത്തി . തുടര്‍ന്ന് മാതാവ് ബന്ധുക്കളെ വിളിച്ച് ഞാന്‍ മകനെ കൊന്നുവെന്ന് വെളിപ്പെടുത്തി . ഉടനെ പോലീസുമായി ബന്ധുക്കള്‍ ബന്ധപ്പെടുകയും , പോലീസ് സ്ഥലത്തെത്തി കുട്ടിയുടെ വെടിയേറ്റ മൃതദേഹം കണ്ടെത്തുകയും ചെയ്തു .

മാതാവ് പൊലീസിനോട് കുറ്റസമ്മതം നടത്തി . റസലിംഗും വിഡിയോ ഗെയിമും മകന്‍ ഇഷ്ടപ്പെട്ടിരുന്നുവെന്നും അവനെ നഷ്ടപ്പെട്ടത് സഹിക്കാവുന്നതിലപ്പുറമാണെന്നും പിതാവ് പറഞ്ഞു . മാതാവിനെതിരെ ഫസ്റ്റ് ഡിഗ്രി മര്‍ഡര്‍ ചാര്‍ജ് ചെയ്തിട്ടുണ്ട് .


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.