2023 January 27 Friday
ശരീരത്തിനു വ്യായാമം പോലെതന്നെയാകുന്നു മനസ്സിന് വായന. -റിച്ചാർഡ് സ്റ്റീൽ

മെഹ്ബൂബ മുഫ്തിയും ഉമര്‍ അബ്ദുല്ലയും അറസ്റ്റില്‍; കശ്മീരില്‍ എന്തു നടക്കുന്നുവെന്ന കാര്യം ഇപ്പോഴും അവ്യക്തം

 

ശ്രീനഗര്‍: കഴിഞ്ഞദിവസം രാത്രി മുതല്‍ കരുതല്‍ തടങ്കലിലുള്ള ജമ്മു കശ്മീര്‍ രാഷ്ട്രീയ നേതാക്കളെ അറസ്റ്റ് ചെയ്തു. മുന്‍ മുഖ്യമന്ത്രിമാരായ മെഹ്ബൂബ മുഫ്തി, ഉമര്‍ അബ്ദുല്ല എന്നിവരെ അറസ്റ്റ് ചെയ്തുവെന്നാണ് പുതിയ റിപ്പോര്‍ട്ടുകള്‍.

 

ജമ്മു കശ്മീരിന് പ്രത്യേകാവകാശം നല്‍കുന്ന 370-ാം വകുപ്പ് ഒഴിവാക്കി കൊണ്ടുള്ള ബില്ല് രാജ്യസഭയില്‍ പാസാക്കിയതിനു പിന്നാലെയാണ് ഇവരുടെ അറസ്റ്റ്. എന്നാല്‍ കശ്മീരിലെ മറ്റു സ്ഥിതികളെന്താണെന്ന വിവരം ലഭിച്ചിട്ടില്ല.

ലാന്‍ഡ് ഫോണുകള്‍ അടക്കം വിച്ഛേദിച്ചിരിക്കുന്നതിനാല്‍ അവിടെ എന്തു സംഭവിക്കുന്നുവെന്ന ലൈവ് റിപ്പോര്‍ട്ടുകള്‍ പുറത്തുവരുന്നില്ല. ചാനലുകള്‍ക്കു പോലും വാര്‍ത്തകള്‍ നല്‍കാനാവുന്നില്ല. 370-ാം വകുപ്പ് റദ്ദാക്കിയത് കശ്മീരിലെ ജനങ്ങള്‍ അറിഞ്ഞിട്ടുണ്ടോയെന്നും വ്യക്തമല്ല.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.