ജയന്തിയാ കുന്നുകള്‍ക്ക് മുകളിലൂടെ പറക്കുന്നതിനിടെ പകര്‍ത്തിയ വെള്ളച്ചാട്ടത്തിന്റെ മനോഹര ദൃശ്യം പങ്കിട്ട് മേഘാലയ മുഖ്യമന്ത്രി
പൈന്‍ മരങ്ങള്‍ മേലാപ്പുചാര്‍ത്തിയ കുന്നുകള്‍, സ്ഫടിക സമാനമായ തെളിഞ്ഞ നദികള്‍, പച്ചപ്പ് നിറഞ്ഞ പുല്‍മേടുകള്‍, മനോഹരമായ വെള്ളച്ചാട്ടങ്ങള്‍, തടാകങ്ങള്‍, ഗാംഭീര്യമുള്ള വനങ്ങള്‍ എന്നിവയാല്‍ നിറഞ്ഞുനില്‍ക്കുന്ന മേഘാലയ പ്രകൃതിസ്‌നേഹികളുടെ പറുദീസയാണ്.
സംസ്ഥാനത്തിന്റെ പ്രകൃതി ഭംഗി പ്രകടമാക്കുന്ന ചിത്രങ്ങളും വിഡിയോകളും മുഖ്യമന്ത്രി കോണ്‍റാഡ് സാങ്മ തന്റെ സോഷ്യല്‍ മീഡിയ ഹാന്‍ഡിലുകളില്‍ പതിവായി പങ്കിടാറുണ്ട്. മുന്‍ ലോക്‌സഭാ സ്പീക്കറും മേഘാലയ മുഖ്യമന്ത്രിയുമായ പി.എ സാങ്മയുടെ മകനാണ് കോണ്‍റാഡ് സാംഗ്മ.
View this post on Instagram
ഇത്തവണ, ജയന്തിയാ ഹില്‍സിന് മുകളിലൂടെ പറക്കുന്നതിനിടെ പകര്‍ത്തിയ മനോഹരമായ ഒരു വെള്ളച്ചാട്ടത്തിന്റെ അവിശ്വസനീയമായ വിഡിയോ അദ്ദേഹം പങ്കുവെച്ചു. ഇത് ഏത് വെള്ളച്ചാട്ടമാണെന്ന് ഊഹിക്കാമോ എന്ന അടിക്കുറിപ്പോടെ പോസ്റ്റ് ചെയ്ത ദൃശ്യങ്ങളില്‍ പച്ചപ്പാര്‍ന്ന കുന്നുകള്‍ക്കിടയിലൂടെ ഒഴുകുന്ന ഗംഭീരമായ വെള്ളച്ചാട്ടത്തിന്റെ ആകാശക്കാഴ്ചയാണുള്ളത്. ഭൂരിഭാഗം ഉപയോക്താക്കള്‍ക്കും സ്ഥലം കണ്ടെത്താനായില്ലെങ്കിലും, വെള്ളച്ചാട്ടത്തിന്റെ പേര് ഊഹിക്കാന്‍ കുറച്ച് പേര്‍ക്ക് കഴിഞ്ഞു. ശരിയുത്തരം നല്‍കിയവരെ മുഖ്യമന്ത്രി അഭിന്ദിച്ചു. വെസ്റ്റ് ജയന്തിയാ ഹില്‍സ് ജില്ലയിലെ രണ്ട് ഘട്ടങ്ങളുള്ള വെള്ളച്ചാട്ടമായ ഫെ ഫെ ഫാള്‍സ് ആണിത്. വിഡിയോ ഇന്റര്‍നെറ്റ് ഉപയോക്താക്കളെ വിസ്മയിപ്പിച്ചു. പലരും മനോഹരമായ സംസ്ഥാനം സന്ദര്‍ശിക്കാനുള്ള ആഗ്രഹം പ്രകടിപ്പിച്ചു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Comments are closed for this post.
Latest News
- മധ്യപ്രദേശില് വ്യോമസേനയുടെ രണ്ട് വിമാനങ്ങള് തകര്ന്നുവീണു
- സാങ്കേതിക തകരാര്; ഷാര്ജ- കോഴിക്കോട് എയര്ഇന്ത്യ വിമാനം തിരിച്ചിറക്കി
- ജാര്ഖണ്ഡില് നഴ്സിങ് ഹോമില് തീപിടിത്തം; ആറ് മരണം
- ചുരത്തില് കെ.എസ്.ആര്.ടി.സിക്ക് ബ്രേക്ക് നഷ്ടമായി; മനസാന്നിധ്യം കൈവിടാതെ ഡ്രൈവര് രക്ഷിച്ചത് 36 യാത്രക്കാരെ
- ഭാര്യയെ കൊലപ്പെടുത്തി, കാണാനില്ലെന്ന പരാതിയുമായി യുവാവ്; ചോദ്യം ചെയ്യലില് കുടുക്കി പൊലിസ്
