2022 August 19 Friday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

രണ്ട് വർഷത്തിന് ശേഷം മസ്ജിദുന്നബവിയിൽ ഇഫ്ത്വാർ സുപ്രകൾ തിരിച്ചു വരുന്നു

മദീന: മദീന പള്ളിയിൽ കൊറോണ മുൻകരുതൽ നടപടികളെത്തുടർന്ന് താൽക്കാലികമായി നിർത്തിവച്ച ഇഫ്ത്വാർ സുപ്രകൾ തിരിച്ചു വരുന്നു. രണ്ട് വർഷത്തിന് ശേഷമാണ് റമദാൻ നോമ്പ് തുറ തിരികെ കൊണ്ടുവരുന്ന പദ്ധതി മദീന മസ്ജിദുന്നബവി അഫയേഴ്സ് ഏജൻസി പ്രഖ്യാപിച്ചത്.

അംഗീകൃത ഓപ്പറേറ്റർമാരെ നിയുക്ത സ്ഥലങ്ങളിൽ പ്രവർത്തനക്ഷമമാക്കുമെന്നും മഹാമാരിക്കനുസരിച്ച് ഉചിതമായ എണ്ണം നിർണ്ണയിക്കുമെന്നും വിശദീകരിച്ചു. ഭക്ഷണം തയ്യാറാക്കാൻ അംഗീകൃത കാറ്ററിംഗ് കമ്പനികളുമായി സേവന ദാതാവ് കരാറിൽ ഏർപ്പെടണം, സാമൂഹിക അകലം പാലിക്കുന്ന സാഹചര്യത്തിൽ ഒരു സുപ്രയിലെ ആളുകളുടെ എണ്ണം 5 ആയും അകലം പാലിക്കാത്ത സാഹചര്യത്തിൽ 12 പേരുമായിരിക്കും അനുവദിക്കുക. ആ സമയത്തെ കൊവിഡ് മാനദണ്ഡം അനുസരിച്ചായിരിക്കും ഇത്‌ തീരുമാനിക്കുക.

ഖിബ്‌ലയിലേക്ക് അഭിമുഖമായി ഒരു വശത്ത് മാത്രം ആയിരിക്കും സുപ്രയിൽ ഇരിക്കാൻ അനുവാദം. റജബ് മാസത്തിൽ ഇതുമായി ബന്ധപ്പെട്ട ഡാറ്റ പുതുക്കുന്നതും നിയന്ത്രണങ്ങളിൽ ഉൾപ്പെടുന്നുവെന്ന് അധികൃതർ ചൂണ്ടിക്കാട്ടി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.