2021 January 27 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

മദീനയിൽ മലയാളി കുടുംബം സഞ്ചരിച്ച കാർ അപകടത്തിൽ പെട്ട് കുടുംബത്തിലെ മൂന്ന് പേർ മരിച്ചു

      മദീന: മദീനയിൽ സിയാറത്ത് കഴിഞ്ഞു മടങ്ങവെ വാഹനം അപകടത്തിൽ പെട്ട് കുടുംബത്തിലെ മൂന്ന് പേർ മരിച്ചു. മലപ്പുറം തേഞ്ഞിപ്പലം പറമ്പിൽ പീടിക ചാത്രത്തൊടി സ്വദേശി തൊണ്ടിക്കോടൻ അബ്ദുറസാഖിന്റെ കുടുംബമാണ് അപകടത്തിൽ പെട്ടത്. മദീന സിയാറത് കഴിഞ്ഞ് ഇവർ തായിഫിലേക്കുള്ള മടക്ക യാത്രക്കിടെ മദീനത്ത് നിന്നും 180 കിലോമീറ്റർ അകലെ അംന എന്ന സ്ഥലത്ത് വെച്ചാണ് അപകടത്തിൽ പെട്ടതെന്നാണ് വിവരം. 

    അപകടത്തെ തുടർന്ന് അബ്ദുറസാകും ഭാര്യ ഭാര്യ ഫാസില കുറ്റാരിയും സംഭവ സ്ഥലത്ത് വെച്ച് തന്നെ മരണപ്പെട്ടതയാണ് ബന്ധപ്പെട്ടവർ അറിയിച്ചത്. കൂടെയുണ്ടായിരുന്ന രണ്ടു കുട്ടികളിൽ മകൾ ഫാത്തിമ റസാൻ ആശുപത്രിയിൽ വെച്ചും മരണപ്പെട്ടതായാണ് വിവരം. മൂത്ത കുട്ടി പരിക്കുകളൊന്നും ഇല്ലാതെ രക്ഷപ്പെട്ടു. താഇഫിലാണ് റസാഖ് ജോലി ചെയ്തിരുന്നത്. വിവരമറിഞ്ഞു ബന്ധുക്കളും സുഹൃത്തുക്കളും ആശുപത്രികളിൽ എത്തിച്ചേർന്നിട്ടുണ്ട്. 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.