2023 May 30 Tuesday
പോരാട്ടങ്ങളും യാതനകളും മനുഷ്യനെ പൂര്‍ണതയിലെത്തിക്കുന്നു. ഇന്ദിരാഗാന്ധി

ബജറ്റിനു തൊട്ടുമുൻപ് വാണിജ്യ എൽ.പി.ജി സിലിണ്ടറുകള്‍ക്ക് വില കുറച്ചു

ന്യൂഡല്‍ഹി∙ ഫെബ്രുവരി ഒന്നുമുതൽ വാണിജ്യ ഉപയോഗത്തിനുള്ള എല്‍പിജി സിലിണ്ടറുകളുടെ വിലയിൽ 91.5 രൂപ കുറവ് വരുത്തി എണ്ണക്കമ്പനികൾ. ഇതോടെ, ഡല്‍ഹിയില്‍ 19 കിലോഗ്രാം ഭാരമുള്ള വാണിജ്യ ഉപയോഗത്തിനുള്ള എല്‍പിജി സിലിണ്ടറിന്റെ വില 1,907 രൂപയായി. ഡിസംബറിൽ ഇത് 2,101 രൂപയായി ഉയർത്തിയിരുന്നു.

കേന്ദ്രമന്ത്രിയുടെ ബജറ്റ് അവതരണം തുടങ്ങുന്നതിനു മുൻപായിരുന്നു  എണ്ണക്കമ്പനികൾ എൽപിജി സിലിണ്ടറിന്റെ വില കുറച്ചത്.

മുംബൈയിൽ വാണിജ്യ ഗ്യാസ് സിലിണ്ടറിന്റെ വില 91.5 രൂപ കുറഞ്ഞതോടെ 1,857 രൂപയാകും. ചെന്നൈയിൽ 19 കിലോഗ്രാം വാണിജ്യ ഗ്യാസ് സിലിണ്ടറിന് 50.5 രൂപ കുറച്ചതോടെ വില 2,080.5 രൂപയായി.

അതേസമയം, ഒക്‌ടോബർ മുതൽ, സബ്‌സിഡിയില്ലാത്ത ഗാർഹിക എൽപിജി സിലിണ്ടറുകളുടെ വിലയിൽ മാറ്റം വരുത്തിയിട്ടില്ല. ഡല്‍ഹിയില്‍ സബ്സിഡിയില്ലാത്ത 14.2 കിലോഗ്രാം ഇന്‍ഡെയ്ന്‍ എല്‍പിജി ഗ്യാസ് സിലിണ്ടറിന്റെ വില 899.50 രൂപയും കൊല്‍ക്കത്തയില്‍ 926 രൂപയുമാണ്. 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.