2022 October 07 Friday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

ബി.ജെ.പിയിലേക്ക് ടിക്കറ്റെടുത്ത് കോണ്‍ഗ്രസ് രാജ്യസഭാ എം.പി സഞ്ജയ് സിങ്; രാജിവച്ചു

ന്യൂഡല്‍ഹി: അസമില്‍ നിന്നുള്ള രാജ്യ സഭാംഗം ബി.ജെ.പിയിലേക്ക്. കോണ്‍ഗ്രസില്‍ നിന്നുള്ള സഞ്ജയ് സിങ് ആണ് രാജ്യസഭാംഗത്വം രാജിവച്ചത്. ആശയവിനിമയത്തിന് സാധ്യതയും വ്യക്തതയുമില്ലാത്ത പാര്‍ട്ടിയില്‍ തുടരാന്‍ താല്‍പര്യമില്ലെന്ന് ചൂണ്ടിക്കാട്ടിയാണ് സഞ്ജയും ഭാര്യ അമീത്തയും ബി.ജെ.പിയിലേക്ക് ചേക്കേറുന്നത്. രാജ്യസഭാ സ്പീക്കര്‍ വെങ്കയ്യ നായിഡു രാജി സ്വീകരിച്ചതായാണു വിവരം.

താന്‍ കോണ്‍ഗ്രസില്‍നിന്ന് രാജിവയ്ക്കുകയാണ്. കോണ്‍ഗ്രസിനകത്ത് ആശയവിനിമയത്തിന്റെ കുറവുണ്ട്. ഒന്നിനെ കുറിച്ചും വ്യക്തതയില്ലാത്ത നേതൃത്വം പൊള്ളയാണെന്നും സഞ്ജയ് സിങ് പറഞ്ഞു. കഴിഞ്ഞ ലെക്‌സഭാ തെരഞ്ഞെടുപ്പില്‍ സുല്‍ത്താന്‍പൂരില്‍നിന്ന് മത്സരിച്ച സഞ്ജയ് സിങ് മേനകാ ഗാന്ധിയോട് പരാജയപ്പെട്ടിരുന്നു.

പ്രധാനമന്ത്രിയുടെ സബ്കാ സാത്, സബ്കാ വിശ്വാസ് (എല്ലാവര്‍ക്കുമൊപ്പം, എല്ലാവരുടെയും വികസനം, എല്ലാവരുടെയും വിശ്വാസം) എന്ന മുദ്രാവാക്യം അദ്ദേഹത്തില്‍ സ്വാധീനം ചെലുത്തിയെന്നും പറയപ്പെടുന്നു. നരേന്ദ്രമോദി രാജ്യത്തുടനീളം പ്രസംഗിച്ചുനടക്കുകയാണ്. അതുകൊണ്ട് രാജ്യം അദ്ദേത്തോടൊപ്പമുണ്ട്. എന്നാല്‍ കോണ്‍ഗ്രസ് ഭൂതകാലത്തില്‍ ജീവിക്കുകയാണ്. ഭാവിയെക്കുറിച്ച് ബോധവാന്മാരല്ല- സഞ്ജയ് പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.